البلاد اي رايحة تكولي، البلاد اي رايحة تغرق
كل سمانة 70 مشكلة جديدة راهي تخلق
العباد اي قاعدة تخنق في روحها بالحبال
قاعدة تشرب فالدواوات حتى العقل يجيه الهبال
هذاك كل على جال الإهمال وتهميش الشباب
والكراسى فهاذ البلاد حاكمينهم غير الشياب
عايشين بالكاشيات غير قدرة ومعجزة
والحكومة كي تشوفها تقول هذي دار العجزة
شوف البرة مجزرة وشوف الشعب ولاو بيطاي
الطالب يفض بطال فالحبس ولا لوبيتال
ولي عندو اليوم مطالب يعدي ورا القضبان
السياسة بلا ضمان تمشي بأوامر القبطان
دونك لازم تطبق سينون حياتك تطبق
سينون تشبع من الضر من الضرب مضطر حتى تطرطق
الكلاب اليوم تحرضك بسيف تهاجر أرضك
تعرضك للهم والذل والدم باه يكبر مرضك
عديك تشوف الدعوة اليوم رايحة تكولي
ولاجونيس اي قاعدة تهرب وتديكولي
الشعب الكل ولى هايج مديقوتي
والحكومة كي العادة راي تبريكولي
عديك تشوف الدعوة اليوم رايحة تكولي
ولاجونيس اي قاعدة تهرب وتديكولي
الشعب الكل ولى هايج مديقوتي
والحكومة كي العادة راي تبريكولي
عديك شوف البلاد مالغري راي عندها بترول
ولادها تبيع الدخان في "باربيس" بحدا الميترو
فالسواقي فالقيتو تاع "مارساي" و "نواي"
والكلاب ولي باطار شراو ديار في دبي
مالجري شبعوا من الباي ، اليوم لي والا راو يقراطي
مازال يبراكي والأولوية للمقرادي
شي ما يراطي اليوم دراهمو راي بالبالة
قله ان شاء الله كي تموت روح اشري كفن "دولتشي قابانا"
خطاك في بعضانا رجعونا بلطجية
عايشين غير بالشيرة ، قرعة وكاس ولا كاشية
سياسة همجية قلي واش تحب تدير
في بلادنا الأمير راو يخلص أكثر من المير
عدنا عايشين في بير لي غرقت فيه الحقوق
ولي ما لحقش عالقوت رح يدوش بالوقود
عقول هذ القوم عادت تمشي على قانون
يا إما تكون القاتل يا إما تكون المقتول
عديك تشوف الدعوة اليوم رايحة تكولي
ولاجونيس اي قاعدة تهرب وتديكولي
الشعب الكل ولى هايج مديقوتي
والحكومة كي العادة راي تبريكولي
عديك تشوف الدعوة اليوم رايحة تكولي
ولاجونيس اي قاعدة تهرب وتديكولي
الشعب الكل ولى هايج مديقوتي
والحكومة كي العادة راي تبريكولي
وراك تشوف فالآلاف تاع العباد راهي مهاجرة
هذا أكبر دليل بلي سياستهم فاشلة
إصلاحاتهم ناشفة شوفهم برك واش عملوا
يبدلوا مسؤول بواحد حابس أكثر منو
وعلاه جامي تولهو بالجماعة لي مازالت
غير بالسرقة والتبزنيس في لي زافار تاع الإسمنت
نصها راي سمانت غير من السوارد تحت لي فازت
ونصها راي تغنات من لوتوروت تاع أست-وست
الخدامة راي تقاست ، يروحوا يديروا قراف
يحبوا يسحتوهم كل باه يجيبوا وحايد خلاف
حابين الناس تخاف باش يحبسوا هاذ الخلاف
فالعوض ينظفوا لاميرد ام يغطيوها بالغلاف
عديك هذ الجيل سي فري مشو جيني
مي فهم بلي لبلاد ولات مستشفى مجانين
كثروا لي فيكتيم ضحايا هذا السيستيم
خاطر كثروا الجاهلين لي لقاو بوست فالمينيستير
عديك تشوف الدعوة اليوم رايحة تكولي
ولاجونيس أي قاعدة تهرب وتديكولي
الشعب الكل ولى هايج مديقوتي
والحكومة كي العادة راي تبريكولي
عديك تشوف الدعوة اليوم رايحة تكولي
ولاجونيس أي قاعدة تهرب وتديكولي
الشعب الكل ولى هايج مديقوتي
والحكومة كي العادة راي تبريكولي
عديك تشوف