العباد اي تعرفني دمي سخون دمي مغلي
والشي لي في قلبي راو محال كان يبقى مخبي
مالا خلي نخبر على هذا الخبث لي مش راح يخلص
خاطاك تسكت على الحق تسمى أنت شيطان أخرص
مالا اخرس شوف الشبيبة ولات perdus
سبايبها المسؤولين لي قلوبهم ولاو باردين
ولاو كلهم مارقين ، ولاو كلهم راقدين
ولاو كلهم ملقيين ورا البوفوار ديما مدرقين
ام لاتيين غير درك بالسرقة والتخريب
ام عقاب التمخوير وخطابات التغيير
العار لي يخبيو فيه بالتزيان والتلوين
والشعب يخذروا فيه بسياسات التنويم
والتمويل تاع الدراهم خارج غير في جيوبهم
ام شبعوا من لحرام هنا في لحومهم ، في جلودهم
وجودهم في المناصب زاد فالفساد
زاد غير مالكساد والمشاكل بلا حساب
زيدلها لاروسيت ولي سكوندال تاع لي بروجي
والحراقة الكل لقاوهم مطيشين فلي روشي
لي مارشي يا سي يديوهم صحاب l'asille
والشعب او في يخمم غير عالماء و الزيت
وزيد حتى المستقبل قلبوه ماسط
L'espoir صح كاين بصح الريحة تاعو قراست
المسؤول حاصل في وجه لابس ماسك
همه الوحيد أنو فالكرسي يبقى لاصق
علاديك الناس تقاسي surtout هاذ الجيل
لي يجي يجرب فيه وشي ما راح يجيب جديد
كل يوم يجروا عليه بقوانين وتصريحات
يعاودو فالقديم ويقولك هذي إصلاحات
ها ها واش حاب ، الشـ الشبيبة حارت
عادت كيما الروشيرشي لي ديما هارب
أعصابهم انهارت عقولهم دارت
أي ضاعت طارت وطاحت ولا راحت
لي والى ولا مفحط ديمارا بلا الـ frein
الغناية راي باينة طويلة وقيل راي بلا refrain
كلامها راهو tout terrain
حكاياتها بدون la fin
برونشي فيها الساتيليت فيكسي الديمو ومعاه الفيرين
البلاد راحت فداء خطاك غاب عليها الحق
شبابها تمحق ، لحمه بالليسونس تحرق
اليوم وقت الحق باش يبانوا صح الرجال
علاها "دوبل كانون" فهاذ لكلام راهو جاي
نديفوندي les jeunes في الغربة مفروقة
لي شاف بلي الحل ما تفريه غير لفلوكة
حرقة مفروضة والله راي بو حتم
عشكون تتحدث كي يعود المستقبل ماشه محدد
يحبك تبقى تسنى حابس في بلاصتك
ويقلك الحكومة راح تلقالك حل يناسبك
Mais est-ce que هذ الحل يجينا العام هذا؟
ولا حيجي بعد 30 ، 40 و50 سنة؟
يعطيكم بركا العماء حسبتوها دركا لعبة
حتى الشعب اتعدى ومن همومكم اتعبى
لي والى راح يتعدى ورا la ligne تاع الحدود
تقول عليه هارب من الموت ولا من بلاد فيها الحروب
قاطع البحور قاطع محيطات
كره من الحيوط وعقلية الانحطاط
نفس المحطات تقرا ولا ما تقراش
بلا رشوة بلا معرفة والله ترشى من الشوماج
والله ترشى من الدمار تتمرمد فالظلمات
بالاك راح تقول يدافعوا عليك في البرلمان
تمرض بالأعصاب ، يرميوك تحت الرمال
اي نفس الروايات من الذريعات لبن ريان
Jeune يجيب ليام بـ la drogue والإدمان
ولا يخش الحبس حتان يولي ندمان
يخالط عباد يخمجوه حتى الدماغ
حتان تسمع او مات فعركة فالطريق بالدمومات
نديفوندي الطلبة الجامعيين
لي يعانيو ويشوفوا غير فالعوج بالعينين
من الاضراب عييانين ، المشاكل تاع المعلمين
ام ضيعولهم المستقبل يجيبوا العام بعامين
وبزاف لي حاملين وحايرين فالحالة دي
L.M.D. مالخالوطة لي داروها فالسيستام تاع الـ
جابولهم une maladie خلاتهم الكل تايهين
عديك لي يدي الباك او ما دابيه يروح لهيه
ما دابيه او يسكيفي الناس كل بهاذ لي زيدي
من البريمير للسوكوندر ، من الليسي للينيفرسيتي
السياسة بيبليسيتي كسرت هذ لاسوسييتي
باه بسيف راح تبريزيك ولا تبوسيك تسويسيدي
مالا اسمع والله سي فري راهم قطعوا الطلبة
والهربة ولات دواء من الطليان لأوتاوا
داروا حالة طوارئ les jeunes راي بالقوارب
تجاهر بطريقة مضيق جبل طارق
عديك تشوفني قالق نشكي للرب العالي
كل عام العلم يعاني عمايل التعليم العالي
العوج ولى عادي و العار ولى روتين
والتدراح والمعريفة والرشوة على les modules
وعلاه ماشهم لاتيين بالإقامة الجامعية
الحالة كارثية تقول مكة فالجاهلية
وضعية مأساوية ، الجهات المعنية
ظهرتلي راي مكفوفة راي عورة ولا معمية
نديفوندي الحرس البلدي
لي ضحاو وطاحوا عالبلاد هذي
فيهم لي مات فيهم حتى l'handicapé
اليوم جابولهم la police الـ "C.R.S" و الـ"B.R.I"
هذا كل خطاك شافوهم حبوا يجيبوا درك حقهم
خرجولهم des camions تاع ما سخون باه يحرقهم
تعبوا بعرقهم ، مدوا دمهم ووقتهم
واليوم ثقلوهم خاطاك واحد ما عاد يسحقهم
وقلي برك الحق هذي محسوبة ولا غلطة
في بلادنا كاينة عباد تحب الدعوة تبقى مخلطة
يحبوها تبقى مخرودة ونبقاو ديما مفرقين
باه تتفلق الفتنة والشعب يبقى ديما victime
L'effectif تاع "les patriotes" كان مع "les para"
دار ratissage, embuscades و même les barrages
واليوم الغدارة لعبوها بالإدارة
يا خسارة الوزارة فالاخر ظهرت نكارة
نديفوندي بصح ساعات قريب نهبل
نقول كلامي ينفع ولا قاعد غير نهدر
البلاد راهي تهبط والدعوة ولات رايبة
والناس يقولولي يا لطفي ما بقاتش فايدة
ما دام القلوب ميتة والراس ولى مبنج
بقى لي حل واحد هو أني نحبس كلش
الراب نطيش و نديكلاري la fin
مي تالمون قلبي معمر راو معبي بالـ plein
نزيد نهيج بالبيان ونعاود نبني البناء
وال stylo لا كان حبس نكتب بال marteau وال burin
ولا كان تريبنا سبونا ولا تقسنا
تفكر بلي سيدنا نوح دعاهم 900 سنة
الرسالة صح صعيبة وميزانها او ثقيل خلاه
قد الصخرة لي كانت فوق بلال بن رباح
هذايا نفس الصراع بين الفساد والصلاح
بين لعوج والصراط بين المؤمن والعصاة
عديك درك نصارحك الشي هذا حتشي
قدام صح واش داروا الرجال ضد الظلم الهمجي
واحد ما راح يرشيك مام والو ما كان فالجيب
كن تصدق برك مع ربي راو النصر وحده يجيك
C'est logique!
ياو الرجلة راهي صعيبة باه تجيك
لازم نتايا لي تروحلها برجليك
وكي تكسبها رايح تشيخ
رايح تعود من الهايجين لي عالحق ديما يفاجيو
نديفوندي الأشخاص المعوقين
قل للمسؤولين ام في رقبتكم معلقين
راكم مغلقين عليهم الكل بالتهميش
وغير ربي لي عالم كيفاه الناس هذيا تعيش
ونديفوندي ونحكي عالأمهات
لي تخمم على ولدها كي تشوفه البرا هامل
قلبها مشه هاني عايش في حيرة كبيرة
خايفة كشما يصراله في كل سهرة وفي كل ليلة
نديفوندي بالكلام الناس المريضة
ما تروحش للسبيطار خاطك الطريق طويلة بعيدة
والله تغيضنا لي الأمراض عليهم قاوية
خاصة لكان عايشين معزولين في كاشمن قرية
نديفوندي الناس لي تطلب فالرصيف
خطاك الدواء او صعيب باش تجيبه صح بسيف
زيد les pharmacies راي ولات inaccessible
يعني سوفري يا الزوالي واصبر وأرضى بالنصيب
نديفوندي راح تقلي حتى لوقتاه؟
نديفوندي راح تقلي دركا وعلاه ؟
نديفوندي خطاك مكتوبة فلي جين
يا إما أنت جبان يا إما أنت من الرجال
كل واحد في مجاله ، كل واحد في دومانه
واحد يمد جهد ولاخر يمد ماله
نتبادلو نبانوا للخير كلنا نبادروا
هكاك الخبثاء والخونة كلهم يتبهدلوا
نديفوندي ما تخافش او جامي نروندي
ما تخافش قلبي ساجي واجي راو ديما مبليندي
نديفوندي خلي حنريبوندي ونافرونثي
السياسة تاع لبلاد لي قلبتنا كلنا des bandits
نديفوندي خلي دركا ندافع
خلي كلامي يبقى ديما واعي ديما نافع
الظلم جامي نخافه والراية ديما رافع
نكافح نكافح ديما بالقنابل والمدافع
هاي ما فضيتش أني مازال
نديفوندي ما نسيتش العباد الكبار
لي شايب في راسه مازال هو يصرف على الدار
لي كرهه من الروطار تاع شهرية التقاعد
قل ل les responsables خافوا ربي الناس تقهروا
نديفوندي البيبي والرضيع
لي مسكين قاعد يضيع من الأمراض لي عليه تطيح
خاطاك يا لطيف الوضعية راي في العيب
في بلاد يتقطع فيها ال vaccin والتطعيم
نديفوندي الناس لي حياتها مشها مسقمة
Surtout لي راو يسنا سنوات بلا سكنى
مساكن راهي ساكتة تلقاهم بلا زواج
ماشه قادر عالكراء خطاك la paie ما تسواش
عديك تشوفه هايج يكسر ولا يتنرفا
Surtout لكان عنده صح ديبلوم ولا حرفة
الناس راهي حالفة وربي راهو عارف
يمدو في ال lougement بالرشاوي والمعارف