Arthur Rubinstein Philharmonic Orchestra - II In Taberna: Estuans interius

Kishore Kumar Hits — Arthur Rubinstein Philharmonic Orchestra - II In Taberna: Estuans interius lyrics

Artist: Arthur Rubinstein Philharmonic Orchestra

album: Carl Orff: Carmina Burana. Ilya Stupel

Aestuans interius
Ira vehementi
In amaritudine
Loquor meae menti;
Factus de materia,
Cinis elementi,
Similis sum folio,
De quo ludunt venti.
Cum sit enim proprium
Viro sapienti
Supra petram ponere
Sedem fundamenti,
Stultus ego comparor
Fluvio labenti
Sub eodem tramite
Numquam permanenti.
Feror ego veluti
Sine nauta navis,
Ut per vias aeris
Vaga fertur avis;
Non me tenent vincula,
Non me tenet clavis;
Quaero mihi similes,
Et adiungor pravis.
Mihi cordis gravitas
Res videtur gravis;
Iocus est amabilis
Dulciorque favis;
Quicquid Venus imperat,
Labor est suavis,
Quae numquam in cordibus
Habitat ignavis.
Via lata gradior
More iuventutis,
Implicor et vitiis
Immemor virtutis,
Voluptatis avidus
Magis quam salutis,
Mortuus in anima
Curam gero cutis.

Поcмотреть все песни артиста