Ziad Rahbani - Hewar Fahs Al Aswat - Lyrics, Similar artists

Kishore Kumar Hits — Ziad Rahbani - Hewar Fahs Al Aswat lyrics

Artist: Ziad Rahbani

album: Sahriye Part 1

إعلان هام، اسمعوا يا شباب
نظراً لغلاء الفول والحمص
وارتفاع أنواع الحشائش على أنواعها
نعلن للزبائن الكرام
إننا إضطررنا إلى رفع سعر الصحن
من خمسة وتلاتين إلى أربعين قرشاً
فهمت أنطون؟
مش بكرة تجي تقولي ليش وتبلش تشارع (إيه، إيه، إيه)
إيه
وبالمناسبة إن الاستاذ المعلم نخلة التنين
صاحب ومدير ومطرب ومؤسس هذه القهوة الوحيد
رغبة منه في التنويع والتجديد
قرر إجراء مسابقة فحص أصوات
لأنه بحاجة إلى مطربين ومطربات
يغنون معه ويأخذون عنه شقلة فالوصلات الغنائية (آه)
فعلى الراغبين بالإلتحاق أن يثبتوا وجودهم غداً الساعة العاشرة
هنا في هذه القهوة أمام اللجنة الفاحصة
وسوف تكون اللجنة الفاحصة مؤلفة من السادة
الاستاذ المعلم نخلة التنين رئيساً
وإبنته ياسمينة نائبة الرئيس
وداعيكم عزو أعضاء
بس يا شباب شي
وياللي صوته منيح شو بتعملوا فيه
ما قلنالك بندخله بحفلات القهوة
بس هيك؟
إيه هيك شو بعد بدك
بيغني وما بتدفعوله شي؟
لا خيي لا، بيغنيله غنية وبنعشيه عحسابنا
أؤمر
دخلك، وإذا المشاهدين ضربوه وعوروه مين المسؤول؟
لك، نحنا المطرب عندنا مكفول عجمعة
بعدين إذا حب يغني بيغني عمسؤوليته
يعني الشغلة فيها خطر؟
نوعاً ما، بس اللي حاسس إنه صوته معقول ينضرب عليه بلا ما يخاطر
لا غيرلي اسمي
هلق يا شباب كلكم سميعة ومذوقين
وبتعرفوا إنه المعلم نخلة ما راح ينقي إلا اللي صوته منيح
فياللي حاسس إنه صوته منيح يشرف بكرة قبل الساعة عشرة تايجرب حظه
تمام، اتفقنا؟
اتفقنا
وهلق صار لازم نبدأ حفلتنا تا فوت أنده المعلم نخلة
يلا شرفوا

Поcмотреть все песни артиста