إسمع تفرح جرب تحزن
♪
إسمع تفرح جرب تحزن
♪
يلي عم تاكل عم تشرب وبأي مطعم كنت
مندقلك منغنيلك ومنسهر نحنا وإنت
يلي عم تاكل عم تشرب وبأي مطعم كنت
مندقلك منغنيلك ومنسهر نحنا وإنت
هني الأكلات ذاتن والغنيات ذاتن
حتى السميعة ذاتن لشو التغيير؟!
هني الأكلات ذاتن والغنيات ذاتن
حتى السميعة ذاتن لشو التغيير؟!
♪
يلي عم تكدح يوميي وبأي شغلة كنت
كنو فكرك إنو بكرا بيحمينا نحنا وإنت
يلي عم تكدح يوميي وبأي شغلة كنت
كنو فكرك إنو بكرا بيحمينا نحنا وإنت
هني الأوادم (ذاتن) ما بيحميهن (غير ذاتن)
بيضلو هني ذاتن لشو التغيير؟!
يلي عم تطمح عالفاضي ومن أي ديانة كنت
المستقبل متل الماضي والحاضر هو إنت
يلي عم تطمح عالفاضي ومن أي ديانة كنت
المستقبل متل الماضي والحاضر هو إنت
ما هني الطوايف (ذاتن) وبيجتمعوا (مع ذاتن)
حتى يختاروا ذاتن لشو التغيير؟!
♪
يلي عم تنطر بالفية وتحت العريشة كنت
شي علاقة رومانسية مع أحلى وأجمل بنت
يلي عم تنطر بالفية وتحت العريشة كنت
شي علاقة رومانسية مع أحلى وأجمل بنت
هني البدايات (ذاتن) والنهايات (ذاتن)
حتى لو منن ذاتن لشو التغيير؟!
يلي عم تحلم ليليي وبأي فرشة كنت
بشي صبية هيفاوية تتنسى وينك إنت
يلي عم تحلم ليليي وبأي فرشة كنت
بشي صبية هيفاوية تتنسى وينك إنت
هني الصبايا (ذاتن) حتى البوسات (ذاتن)
وبما انو هنن ذاتن لشو التغيير؟!
♪
يلي عم تحصر أفكارك على أي محطة كنت
مهما تحصر مهما تحلل رح تبقى حيث إنت
يلي عم تحصر أفكارك على أي محطة كنت
مهما تحصر مهما تحلل رح تبقى حيث إنت
هني اللي بيحكوا (ذاتن) وما بيسمعوا (غير ذاتن)
خدهن على علاتن لشو التغيير؟!
يلي عم تسعى للهجرة وعلى أي دولة كنت
مهما تسعى أنا بالعشرة ببصملك وين ما نزلت
يلي عم تسعى للهجرة وعلى أي دولة كنت
مهما تسعى أنا بالعشرة ببصملك وين ما نزلت
هني البلدان (ذاتن) شمالًا وجنوبًا (ذاتن)
شرقًا وغربًا ذاتن لشو التغيير؟!
يلي عم تسمع للوقتي ومفكر في شي جديد
طمن بالك هي هي ولا نوتة فيك تزيد
هني الأفكار (ذاتن)والألحان (ذاتن)
حتى الموسيقية ذاتن لشو التغيير؟!
هني الأفكار (ذاتن)والألحان (ذاتن)
حتى القفلات ذاتن لشو التغيير؟!
♪
آخر فكرة لولادي وأيضًا لولاد الناس
يلي حلمن عم بيزهّر حلمن عالعين والراس
آخر فكرة لولادي وأيضًا لولاد الناس
يلي حلمن عم بيزهّر حلمن عالعين والراس
بركي التغيير جايي
على حظن هني جايي
رغمًا عن حزني جايي
إنشالله التغيير
بركي التغيير جايي
على ايدن هني جايي
كرمال عيونن جايي
إنشالله التغيير
(كلنا سوا)
بركي التغيير جايي
على وجن هني جايي
لو مهما طال جايي
إنشالله التغيير
إنشالله التغيير
(مسروقة هيي آه)
(إيه أكيد مسروقة)
(برافو برافو تصبحوا على خير)