युगे २८ विटेवरी उभा
वामांगी रखुमाई दिसे दिव्य शोभा
पुंडलिकाचे भेटि परब्रह्म आले गा
चरणी वाहे भीमा उद्धरी जगा
(जय देव, जय देव, जय पांडुरंगा, हो, श्री पांडुरंगा)
(रखुमाई वल्लभा, राईच्या वल्लभा पावे जिवलगा)
(जय देव, जय देव...)
तुळसीमाळा गळा कर ठेऊनी कटी
कासे पीतांबर कस्तुरी लल्लाटी
देव, सुरवर नित्य येती भेटी
गरुड, हनुमंत पुढे उभे राहती
(जय देव, जय देव, जय पांडुरंगा, हो, श्री पांडुरंगा)
(रखुमाई वल्लभा, राईच्या वल्लभा पावे जिवलगा)
(जय देव, जय देव...)
धन्य वेणूनाद अणुक्षेत्रपाळा
सुवर्णाची कमळे वनमाळा गळा
राई रखुमाबाई, राणीया सकळा
ओवाळिती राजा विठोबा सावळा
(जय देव, जय देव, जय पांडुरंगा, हो, श्री पांडुरंगा)
(रखुमाई वल्लभा, राईच्या वल्लभा पावे जिवलगा)
(जय देव, जय देव...)
ओवाळू आरत्या कुरवंड्या येती
चन्द्रभागेमाजी सोडुनियां देती
दिंड्या, पताका वैष्णव नाचती
पंढरीचा महिमा वर्णावा किती
(जय देव, जय देव, जय पांडुरंगा, हो, श्री पांडुरंगा)
(रखुमाई वल्लभा, राईच्या वल्लभा पावे जिवलगा)
(जय देव, जय देव...)
आषाढी कार्तिकी भक्तजन येती
चंद्रभागेमाजी स्नाने जे करिती
दर्शन हेळामात्रे तया होय मुक्ति
केशवासी नामदेव भावे ओवाळिती
(जय देव, जय देव, जय पांडुरंगा, हो, श्री पांडुरंगा)
(रखुमाई वल्लभा, राईच्या वल्लभा पावे जिवलगा)
(जय देव, जय देव...)