Amer d nekk cennuɣ
S tutlayt-nniḍen
Abeɛda tin i s ara bennuɣ
Ccan n wid i iḥekmen
Amer d nekk rennuɣ
Tettuɣ wid yeggugmen
Wid iwumi yerẓa umennuɣ
Iles, tilelli ɣef i d-kkren
Ama ɣer Yiṛumiyen
Ɣer Waεṛaben neɣ ɣer Ccinwa
D lbaṭel i d-ǧǧan d tarwa
Aɛebbuḍ-iw xas yeṛwa
Ul-iw netta yexwa
N yimesbaṭliyen
A gma deg Lzzayer
Neɣ deg Tmazɣa
Akken bɣun wwten abendayer
Tutlayt terɣa
S tmaziɣt hdeṛ
Yiwen ur tenɣa
Di tmurt-ik d nettat i d leqdeṛ
I d tirrugza
Tutlayt i ak-yehwan
Ṛuḥ eg-as azal
Issin kan yis-s ula deg yigenwan
Ad tekkateḍ uzzal
Nekkni skud mazal
Ur d-nuli
Ɣef tmaziɣt ara nettazzal
Xas ad nɣelli
Nekkini cennuɣ
S ta n baba d yemma
Tamaziɣt tuklal ad tt-bnuɣ
Nettruẓ yis-s ssṛima
Fell-as ur kennuɣ
Ɣer ureɣ i yes i ttaɣen
Ma drus i sɛeddaɣ deg umennuɣ
Aql-iyi anef-asen ad iyi-nɣen
Xas ma dɣa neẓra
Tamurt d tutlayt neɣ d tutlayin
Tutlayt d tamurt neɣ d timura
Tamurt deg i nedder tefra
Tutlayt-is ad tt-nissin
I lemqadṛa
A gma deg Lezzayer
Neɣ di Tmazɣa
Akken bɣun wwten abendayer
Tutlayt terɣa
S tmaziɣt hdeṛ
Yiwen ur tenɣa
Di tmurt-ik d nettat i d leqdeṛ
I d tirrugza
Tutlayt i ak-yehwan
Ṛuḥ eg-as azal
Issin kan yis-s ula deg yigenwan
Ad tekkateḍ uzzal
Nekkni skud mazal
Ur d-nuli
Ɣef tmaziɣt ara nettazzal
Xas ad nɣelli
A gma deg Lezzayer
Neɣ di Tmazɣa
Akken bɣun wwten abendayer
Tutlayt terɣa
S tmaziɣt hdeṛ
Ulac win tenɣa
Di tmurt-ik d nettat i d leqdeṛ
I d tirrugza
Tutlayt i ak-yehwan
Ṛuḥ eg-as azal
Issin kan yis-s ula deg yigenwan
Ad tekkateḍ uzzal
Nekkni skud mazal...