శ్రీరస్తు శుభమస్తు అభిజ్ఞమస్తు
స్వస్తి శ్రీ చాంద్రమానేన
శ్రీ దాతృ నామ సంవత్సరం
మార్గశిర శుద్ద శనివారం
అనగా తేదీ 14-12-96న
శ్రవణ నక్షత్ర యుక్త
ధనుర్ లగ్న మందు
ఉదయం 8-13 నిమిషములకు
వివాహమునకు సుముహూర్తముగా
నిర్ణయించడమైనది
♪
హా సువ్వి ఆహా సువ్వి
హా సువ్వి ఆహా సువ్వి
♪
ఆకాశం పందిరి వేసింది
ఈ నేలమ్మ పీటను వేసింది
జరిగే వైభోగం రమ్మంది
జనులారా కనులారా చూడండి
మంగళవాద్యాలు పిలుపులు అందించగ
ముంగిట మురిపాలు కళకళలాడగ
పచ్చగ పెళ్ళయ్యే ముహూర్తమే తథాస్తంది
ఆకాశం పందిరి వేసింది
ఈ నేలమ్మ పీటను వేసింది
హా సువ్వి ఆహా సువ్వి
హా సువ్వి ఆహా సువ్వి
♪
నలుగురూ చేరి నలుగుపెట్టరే
చిన్నారిని జలకాలాడించరే
ముద్దుగా ముస్తాబును చెయ్యరే
బుగ్గమీద పెళ్ళిచుక్క దిద్దరే
♪
వరుడితొ మగపెళ్ళివారు తయ్యారు
విడిదికి వియ్యాలవారు వచ్చారు
మనవిని మన్నించి మనువుకి రండయ్యా ఆ
పప్పన్నం పెడతాం దయచేయండయ్యా
అడిగినవన్నీ ఇచ్చి కన్యాదానం చేస్తామయ్యా
ఆకాశం పందిరి వేసింది
ఈ నేలమ్మ పీటను వేసింది
హా సువ్వి ఆహా సువ్వి
హా సువ్వి ఆహా సువ్వి
♪
గౌరీపూజను చేసి చేసి
నీ కోసం నోములు నోచి నోచి
కులుకుల కాణాచి అదిగో వచ్చింది ఈ
తెరవెనుకన వేచి కలలే కంటోంది
పరిణయ ప్రమాణమే చేసి పొందమంటోంది
ఆకాశం పందిరి వేసింది
ఈ నేలమ్మ పీటను వేసింది
♪
ధర్మే త్వయా యేశ నాతిచరితవ్యా
(ధర్మే త్వయా యేశ నాతిచరితవ్యా)
అయ్య నాతిచరామి అనండి నాతిచరామి
అర్థేత్వయా యేశ నాతిచరితవ్యా)
(అర్థేత్వయా యేశ నాతిచరితవ్యా) నాతిచరామి
కామేత్వయా యేశ నాతిచరితవ్యా
(కామేత్వయా యేశ నాతిచరితవ్యా) నాతిచరామి
అయ్యా ఈ మంత్రాలు అంటున్నారు
అనమంటున్నారుగాని మరి వాటికి అర్థాలు
తెలియాలి కదండీ చెబుతారా అలాగే
ధర్మార్థకామములలోన ఏనాడూ
ఈమె తోడును నీవు విడిచిపోరాదు
ఈ బాస చేసి ఇక నిండు నూరేళ్ళు
ఈ సతికి నీడవై నిలిచి కాపాడు
మాంగల్యం తంతునానేనా మమజీవన హేతునా
కంఠే భద్నామి శుభగే త్వం జీవ శరదాం శతం
♪
నా జీవితానికే అధారము
అయి నిన్నుఅల్లింది ఈ దారము
నీ మెడను వాలు ఈ మాంగల్యము
నా శాంతి సౌఖ్యముల సంకేతము
ఈ సూత్రముతో నీవు చిరకాలము
వర్ధిల్లితే నాకు అది క్షేమము
ఓం ధృవంతే రాజా వరుణో
ధృవం దేవో బృహస్పతిః
ధృవంత ఇంద్రశ్చాగ్నిశ్చ రాష్ట్రం
ధారయతాం ధృవం
ఈ జన్మలో ఇంక విడని ముడివేసి
కలిపారు దేవతలు దివినుంచి చూసి
ఈ బ్రహ్మముడి ఇద్దరిని ఒకటి చేసి
దాంపత్య రాజ్యాన్ని ఏలమంటోంది