L'è sich ure de matina e gh'ó mia òia d'leà sö
E me màder che la usa: "Salta fò macarù";
Ol me socio zó de bas, la schissèta sóta 'l bras
L'è la squadra che la và söl stradù che l'và a Milà.
La massèta e la cassöla l'éra mèi che 'ndà a scöla
Fó 'l mestér del möradùr, ciape i sólcc come ü dutùr
La mé squadra l'è famusa e i la conòss töta Milà
De laorà po' m' gh'à mia pura, in tri dé m'fà sö öna cà.
Perché nóter de Bèrghem de sóta e de sura
A la forchèta m'ghe dis ol pirù...
Perché nóter de Bèrghem de sóta e de sura
Me piàs maià e biv ma m'sè mia macarù...
Rit.
Se l'è sö l'è sö, se l'è zó l'è zó
Se l'è sö l'è sö, cosè? Ol méstol.
Se l'è sö l'è sö, se l'è zó l'è zó
Se l'è sö l'è sö, cosè? La strénga...
Mé me ciàme Tóne, Tóne del cantù
Gh'ó dò spale de Maciste e öna fórsa de leù,
Ma ó troàt öna murusa che a tocàla lé la usa
E quando mé ghe salte adòss rìa di s-ciafe e salte ol fòss:
Ma cósa gh'ó de dì, ma cósa gh'ó de fà?
Mé diènte mat só sèmper dré a pagà...
Rit.
Se l'è sö...
Ai sich ure de la sira mé fenésse de laorà
Ai òt ure só bèl frèsch só sbarbàt e pröfömàt
E tira fò ol mercedes, scüsa col telefonino,
Dàga öna löstrada, prepara ol portafòi
E se stassira la murusa a tocàla lé la usa
Mé de s-ciafe n' ciape piö
Ghe rìe adòss e salte sö.
Rit.
Se l'è sö...
Finale parlato (A SOGGETTO)
· E intanto che la betoniera macinava
Si sente la radio impéssa, accesa che parla:
"Se l'ipotiposi del sentimento personale prostergando i prolegomeni
Della mia subcoscienza fosse in grado
Di reintegrare il proprio subiettivismo
Alla genesi delle corcomitanze allora io
Rappresenterei l'autofrasi della
Sintomatica contemporanea che non sarebbe altro che la
Trasmificazione esopolomaniaca"...
- A come l'fà a parlà ol taliano chèl lé...
- Próa a parlà ol taliano come lü!
- Só mia bù de parlà ol taliano, bisogna
Dèrv fò bé la bóca per parlà ol taliano...
Só indàcc in segónda intat chi
Sbiancàa zó la prima mé...
- L'è lü chèl chi gh'à mangiàt i léber la aca...
- Ghe sét gna öna parola de taliano? Se te capita
Ergót ghe dìset cosè al dutùr?
- Umh... ghe dighe che l'è borlato... no... è treccato
Giù il sidello e l' m'ha s-ceppato la crapa...
- Alà, chèl lé l'è ol taliano del Giopì,
Impara da io... scólta, te ghe de diga
: "Sior dotore,
Sicome che m' seravamo dietro che
Tiravamo su la mólta, chèl sumàr del me hocio,
Che non si è rincorzito l'ha fatto slissare
Giù il sidello e l' mi ha squase sparmezzato
L'orègia mansina.
- Desmetìla de fa i teletuali, tirì sö la
Molta docà!... bìgoi!!!