إذا... سماع
:المقطع الأول
إذا المجتمع طبقات، خلقت بشقّة طابق أرضي
إذا الحياة ألوان، ما كان ورد الحيط حدّي
إذا الطفولة طعمات، ذكرياتي عنّا حدّة
الوالد قاسي رغم غيابو كمطلوب سياسي
خايف من ماضي المآسي
متل إسلام حروب الردّة
الوحيد يلّي تعلّم من بين كل ولاد جدّي
شاف إمّته معطّلة، شاف العلم علبة عدّة
صار الجو جدّي وهدّي إن كان فيك تهدّي
إبن الجرد بالمدينة حامل معو فرد
وفيك تميّز إلتزامك عن الطموح الفردي
بعكس الوالدة يلّي من دون أيديولوجيا مجاهدة
ربّت خمس ولاد وكان صار عندا أحفاد
أوّل مرّة شفتا قاعدة أفراحا متباعدة
فهمّتنا قاعدة إنّو العقاب تعابير وجّ باردة
غاضبة، من إم راكضة كل النهار
تالمعلّمة تقلّا إنّو إبنا من الشطّار بالصّف
غضب إمّ تعبانة ولا مية ضربة كفّ
المهم يا سيدي مش هون لبّ السّيرة
فهمي لتاريخي قد يكون أساطير
أمّا المؤكّد إنّو الحرب والتعتير
كان إلون تأثير أهلي يشوفوا حياتنا بير
والحبل مصعد إجتماعي
هل هوس مصدرو جماعي
فرديتي لا يراعي
عم ربّي جوانح فالمصعد ما إلو داعي
بكره موسيقى المصاعد
بدّي بدينيّي صوت ريح
بدّي بعيني أفق راعد
بدّي جلدي توب مريح
المقطع الثاني:
ما ورتت البدلة كستني بجهود شاقّة
كانت عغفلة رح تخنقني بمعنى الياقة
فنّ النصب بلباقة
جمل بخرم إبرة لغتو الأم عبري
عبرة سجّلتا بأفكاري وبسرعة نفد صبري
طريق الرجعة كل درجة قطع تدوب
بطريق خلقت عصحوة رقص القلوب
نزلت عمهلي بس ما رجعت عمهدي
صاروا الأحياء أهلي، مع الله جدّدت عهدي
أدراجي غيوم مش طوابق
ثابت بالبداوة أزرق طوارق
أوصافي خيوط مش ثوابت
لولب شعر عنب على حيط برزخ نابت
ثابت مش إسم فاعل فكر دارويني كامل
إجتماعاً إتّباعاً للسلّم المرسوم بس بشوف داروين كافر
آدم خلق من طين جوابو محسوم
ما بطعمي خبز ما كبرت عهيدا اللبس؟
آسف جنابك القلب أخضر ما يبس
ما بدّك تفتح بيت؟
أنا فاتح راسي مضافة
فاتح بالبنك حساب؟
أنا رصيدي القوافي
عشنا سنين بلا وزير بنموت بلا عامل نظافة
بس منسوب اللطافة معكوس بدّلنا محبّة بمخافة
انهار بمصافي كان الغافل يجمع صبابيط
نزّلوا على القبر حافي، بحبّ الضو خافت