قيم الليل و انت ساهر
مكسور و قاعد تكابر
ادور الدنيا و قاعد تراجي
مجبور انك تحاقر
كنت عايش في واقع شين
غلطو و تخلص في الدين
هل عندك قوة باش تعافر
و لا بتكمل ليلك ساهر
سميني فودكا باش نسكر وننسى
نسكر وننسى بيش قلبي يزيد يقسى
ننسى اللي حقرني اللي خاني واللي تكنسى
نسكر وغارق في بحر من غير مرسى
نتكيف بالفودكا بروحي نصبر
وللعلي موسيقى وخليني نعبر
خليني نسكر و نغني متخدر
وخليني ننسى ومعادش بنفكر
خليني في حالي
معادش يهموني
ناس اللي كرهوني
وناس اللي حبوني
ناس اللي شافوني
طايح خلوني
في إمكانهم يسعدوني
لكن خلوني
عطيتهم عيوني
وفديتهم بدمي
سحنولي كبدي
و كلولي لحمّي
ناكل في روحي
ولاهي بهمي
لاهي في غربتني
ومستاحش أمي
امسح خدك سيل دموع
صحيح كتاف صحيح ضلوع
عندك قوة ماكش ساهل
اوقف لنفسك لتستاهل
دموع الليل تبيلهم طبيب
و انت لا صاحب و لا حبيب
هل عندك قوة باش تعافر
و لا بتكمل ليلك ساهر
سربيني كاس هكي فاقدني
نفقد الواعي الواقع عقدني
سكرت ولعت وشن اللي بيشدني
شن بيسدني وشن بيرقدني
اسكت وفكني مش ناقصني هم
مادتزيدش قلبي علي هم علي هم
قلبي اللي طاح داويته بالسم
وجروحي في قلبي ماتبيش تلتم
عمري اللي راح انضمد جراح
نستنا في وقتي وماشي مرتاح
قدري في سمي عمره لوطا ماطاح
ياقلبي اني منك غير طالب سماح
طالب سماح نبيك تسامحني
ياقلبي افتحلي قلبك وصارحني
قولي عشيري تعبتني ذبحتني
قتلتني زدتني هم علي محنتي
هما اللي قالو اني ماقلتش
هما اللي خانو اني ماخنتش
هما اللي دارو اني مادرتدش
حاولت انكون زيهم لكنِ ماقدرتش
مانصبتش ما اغتصبتش
وماخنبتش و ماقتلتش
وماحربتش وما نزلتش
بيش نقتل خويا ماقدرتش
الشييت
نحارب ونصلح في نفسي
حتى الفودكا معادش تنسي
شربت لين انقطع نفسي
يادنيا ضاقت بيا حسي
شوفو فيا الدنيا شن مدايره
شوفو عيونهم فيا حايره
شوفو عدياني غايره
شوفو كيف طفت شموعي نايره
وكلته لامر لربي خلولي لميمة
والوالد و ولدي
ماعرفتش الناس اني مني شن تبي
نعبي في قلبي و قلبي متعبي
خلوني في الغربه و حياتي
فرصة اللي مازال ماتبيش تواتي
عمري و شبابي اللي ماشي ع الفاضي
اني راني مش راضي سامحني ياربي
سحنتلي الحرب اني كبدي
خدت اللي بعدي و خدت اللي قبلي
حرمتني من ناسي و صحابي و عشراني
وشارعنا في الغربة اني المكتوب كتبلي
حسبت اني ربي في اللي ظلمني
شقاني و تعبني وبعدني و فددني
عذبني والوقت اللي قتلني هبلني وبهدلني
والوقت المسخ فرض ضربني
مش لازم اندوخ ونصبح مطبوخ
سيناريو متكرر تعبنا
خلانا تمرمدنا و شتتنا و شقانا
وغربنا علي بعضنا تباعتنا
قسينا علي بعضنا الشيطان اللي ربطنا
ونسينا صحبتنا وعشرتنا
خوتي و صحابي و عشراني واحبابي
خلونا نعترفو بحبنا
خلونا ننسو يلي فات
واللي يرحم اللي مات و نبدو من نفسنا
انصلحو اغلاطنا و نعالجوا مشاكلنا
واكيدة غدوة تشرق شمسنا
عايشين الواقع وراضيين بقدرنا
نصيبنا وامتاعنا وبقسمنا
سربيلي فودكا خليني نتقربع
مداما الظروف ادور عكسنا
قيم الليل و انت ساهر
مكسور و قاعد تكابر
ادور الدنيا و قاعد تراجي
مجبور انك تحاقر
كنت عايش في واقع شين
غلطو و تخلص في الدين
هل عندك قوة باش تعافر
و لا بتكمل ليلك ساهر
End