معنڭ زهري، سايڭ بيا
Unstable, باقة كيما هي
نهار غدروني، نهار دفنت النية
كانڭول عييت، إمتى يدوزوا ليام؟
اللي كايسمعني كايڭول الله يسمح ليا
وانا كانتسنى فالله يسمع ليا
كانموت وكانعيش وما كانطفاش
بين البشر والآلهة اللي ما لطفاتش
بين إبليس وآدم وعدم ومادة
بين الشر والخير والمعاناة واللذة
كانلقى راحتي فداكشي اللي ما عنديش
لا ما فايتش ليك متي، راك ڭاع ما عشتي
لوقت كاتفرع اللي ما عندوش واللي شرى وباع
كاتفرع الذيب وكاتفرع تا اللي ڭال بااع
كايربحها اللي نسى عقلو فالطبيعة وضاع
أما حنايا خاسرين فڭاع الأوضاع
لقيت راسي واقف فالحافة عاوتاني
السحر دالشِّعر ديالي دابا داني
الحياة ولا الموت، شكون مناسباني؟
دماغي كايڭول، "ما تزيدش، غي فراني"
كانصبّر راسي فالصباح فلمرايا
كانجيب نعاسي بالكاس ولكمايا
كانزيد نقاسي فاش كانشوف فسمايا
كانڭول اللي فراسي وراسي ما عندوش معايا
ماشي لخاطري لا ما كنتش بحالك
وماشي شغلي لا ما عجبكش الديسك
وماشي خدمتي هي نرضيك بحال
برنامج فاشل واستفتاء قديم
هنا اللي بغيتي ما غاتصيبوش
العافية، زيدي، ما غانطيبوش
جوج عواد وصانع تريكو
حتى صحاب لغدر كاندريكم
مور عقلي شيطان شاد الڭيدون
تهرب عالمشاكل يزيدوا
ديما فبيتي، باقي دمي فالفريڭو
الزمان ساحر كايغريكوم، المعاناة اللي غاتقريكوم
ما تعطيني تا حاجة، ما باغيش، غي دّي
ما مسوقش للدنيا، ماتش حِبّي
كاملين كبرنا بشعار، "غي قضي"
الراب ما عاجبنيش وكانديرو، تيقني
دافن كتابي، كايبان اللي لاقيه
اللي عطاه ربي شي حكمة وفهامة
ما كاتبش ديسك فالكاغيط
يدي كاتنحت فصخرة خدامة، ياه
Poneglyph كايفهموها عشرة
اللي كايفكر، ماشي اللي فدماغو آلة
شي مرة كانڭول ضيعت الحجرة
حيت ما زال ما بان اللي غايحل المسألة
أنا والموت قراب لكاريبي وهايتي
قاتل ملاكي ومكمل حياتي
ما كانعرفش راسي واخا نشوف فمرايتي
Circle Vienna, أجي تأكد من قرايتي
بجوج كايرسموا، الزيزوار ولا دا ڤينتشي
بجوج كايخلعوا، الموت وإيتشيرو إيتشي
Fuck لبلاد ڭاع، كي تمشي، كي تجي
رابور مغربي هذا كاعي وكايدوي