Ang huni ng ibon sa himpapawid
Ang ihip ng hangin sa gabing malamig
Mga lirio sa parang, kay ganda ng damit
Nagpapakilala ng Iyong pag-ibig
Sa t'wing nalulungkot at may suliranin
Sa pagluhod sa 'Yo at sa pagdalangin
Nasusumpungan ko sa aking damdamin
Tunay na Ikaw ay Amang mahabagin
Ang pangako Mo ang panghahawakan
Na ako'y hindi Mo pababayaan
Kung Ika'y wala ay wala ring saysay
Hindi na nais pang sa mundo'y mabuhay
Kaya ako ngayo'y nagpapasalamat
Dahil sa pag-ibig at Iyong paglingap
Tinawag Mo ako dahil sa 'Yong habag
Puso ngayo'y nagagalak, Ama, salamat
Ang pangako Mo ang panghahawakan
Na ako'y hindi Mo pababayaan
Kung Ika'y wala ay wala ring saysay
'Di na nais pang sa mundo'y mabuhay
Kaya ako ngayo'y nagpapasalamat
Dahil sa pag-ibig at Iyong paglingap
Tinawag Mo ako dahil sa 'Yong habag
Puso ngayo'y nagagalak, Ama, salamat
Salamat