Qntal - Am Morgen Fruo - Lyrics, Similar artists

Kishore Kumar Hits — Qntal - Am Morgen Fruo lyrics

Artist: Qntal

album: Purpurea (Best Of)

Sô die bluomen ûz dem grase dringent
Same si lachen gegen der spilden sunnen
In einem meien an dem morgen fruo(2x)
Und diu kleinen vogellîn wol singent
In ir besten wîse, die si kunnen
Waz wünne mac sich dâ gelîchen zuo?(2x)
Ez ist wol halb ein himelrîche.
Suln wir sprechen, waz sich deme gelîche
Sô sage ich, was mir dicke baz
In mînen ougen hât getân
Und tæte ouch noch, gesæhe ich daz.(4x)
Swâ ein edeliu schœne frouwe reine
Wol gekleit unde wol gebunden
Dur kurzewîle zuo vil liuten gât(2x)
Hovelîchen hôhgemuot, niht eine
Umbe sehende ein wênic under stunden
Alsam der sunne gegen den sternen stât(2x)
Der meie bringe uns al sîn wunder:
Waz ist dâ sô wünneclîches under
Als ir vil minneclîcher lîp?
Wir lâzen alle bluomen stân
Und kapfen an daz werde wîp(4x)
Nû wol dan, welt ir die wârheit schouwen
Gên wir zuo des meien hôhgezîte
Der ist mit aller sîner krefte komen(2x)
Seht an in und seht an werde frouwen
Wederz dâ daz ander überstrîte
Daz bezzer spil, ob ich daz hân genomen(2x)
Owê der mich dâ welen hieze
Daz ich daz eine dur daz ander lieze
Wie rehte schiere ich danne kür
Hêr Meie, ir müeset merze sîn
Ê ich mîn frouwen dâ verlür (6x)

Поcмотреть все песни артиста