Stell da vor, neilich schlender I so dahi,
Wia ollawei. Aufa moi is ma so ois spür I an Blick auf mir,
Oiso bleib I kurz steh, drah mi um und seh
De Frau de fast no a Madl war, wo mir uns droffa ham vor zwoamoi zehn Johr.
Mia ham fest glaubt, dass des mit uns wos werd.
Heid hods ihrn Mo und sie lebt, hob I ghead,
Mit zwoa Kinder irgendwo im Norden drobn.
Und jetzt stehts hinter mir und sie mecht ma wos sogn.
Und sie winkt ma noch, "Bleib hoid do, wart auf mi".
Aber I bin dahi.
Stell da vor, neilich schlender I so dahi,
Wia ollawei. Aufa moi is ma so ois spür I an Blick auf mir,
Oiso bleib I kurz steh, drah mi um und seh
Den Mo der fast no a Bua war, der erste von uns mit lange Hoar.
Mit Dope in da Pfeifn und Genensis,
"It's time for lunch", woasd wia sche des is.
Und mitn erstn Bus hoam um fünfe in da Friah,
Der Schwur unsrer Freindschaft, de zerbricht nia.
Und dann ois vorbei, weil oana hod glogn
Und jetzt steh er do und er mecht ma wos sogn.
Und er winkt ma noch, "Bleib hoid do, wart auf mi".
Aber I bin dahi.
Stell da vor, neilich schlender I so dahi,
Wia ollawei. Aufa moi is ma so ois spür I an Blick auf mir,
Oiso bleib I kurz steh, drah mi um und seh
De Frau de scho oiwei mei Muadda war. Ganz jung aufa moi mit nauftupierte Hoar.
De voller Hoffnung und Angst und bedingungslos
De drei Männer gliabt hod, de moi in ihrm Schoß
Dahoam warn. Heid is oana doud, de andan san groß
Und sie wad jetzt frei, dabei woid sie doch bloß
A Familie zum si drum kümmern hom.
Und jetzt stehts hinter mir und sie mecht ma wos sogn.
Und sie winkt ma noch, "Bleib hoid do, wart auf mi".
Aber i bin dahi.
Stell da vor, neilich schlender I so dahi,
Wia ollawei. Aufa moi is ma so ois spür I an Blick auf mir,
Oiso bleib I kurz steh, drah mi um und seh
Den kloana Werner, heid fast a oida Mo,
Naja ned wirklich, aber manchmoi fühl I mi so.
Obwohl I des wos I dramt hob ois kloana Bua
Heid lebn deaf, aber meistens is des ned gnua,
Weil der Rucksack voll Zweifel der bleibt mei Gepäck,
Des I mit mir rumschlepp. Heid a Held, moang a Depp.
Je weida I geh, umso mehr muas I drogn.
Und jetzt steh I selber hinter mir und I mecht ma wos sogn.
Und I wink ma noch, "Bleib hoid do, wart auf mi".
Aber I...
I wink ma noch, "Bleib hoid do, wart auf mi".
Aber I bin dahi.