Kishore Kumar Hits

Eugen Jochum - Carmina Burana / II. In Taberna: "Estuans interius" lyrics

Artist: Eugen Jochum

album: Eugen Jochum Essential Recordings


Aestuans interius
Ira vehementi
In amaritudine
Loquor meae menti;
Factus de materia,
Cinis elementi,
Similis sum folio,
De quo ludunt venti.
Cum sit enim proprium
Viro sapienti
Supra petram ponere
Sedem fundamenti,
Stultus ego comparor
Fluvio labenti
Sub eodem tramite
Numquam permanenti.
Feror ego veluti
Sine nauta navis,
Ut per vias aeris
Vaga fertur avis;
Non me tenent vincula,
Non me tenet clavis;
Quaero mihi similes,
Et adiungor pravis.
Mihi cordis gravitas
Res videtur gravis;
Iocus est amabilis
Dulciorque favis;
Quicquid Venus imperat,
Labor est suavis,
Quae numquam in cordibus
Habitat ignavis.
Via lata gradior
More iuventutis,
Implicor et vitiis
Immemor virtutis,
Voluptatis avidus
Magis quam salutis,
Mortuus in anima
Curam gero cutis.

Поcмотреть все песни артиста

Other albums by the artist

Similar artists