Norbait bilatzen duenak
Edonor aurki dezake
Bihotz hutzentzako kalte beteta daude tabernak
Eta bertan sartzen denak
Ezin du bakarrik irten, sekula ez da jakiten
Irriak irrien truke
Bi bakardadek ez dute
Bikote ona egiten
Gorputz desesperatuen
Galduriko bi arima
Patuaren bi biktima gauak elkartu zituen
Ahalik eta estuen
Ilusioen abian
Alkoholaren ausardian
Agian nahikoa edanda, agian gaurko parrandan
Batek daki gaur agian
Beroak sua du amets
Mutilak wistonaketu
Eta neskari galdetu zigarrorik nahi duenez
Neskaren ezpainek ezetz
Bere ezpainen umelak soilik desio dutela
Esan diote irrikan wistonaren inbiritan
Baldin baleude bezela
Neskaren elkarrizketak
Mutilak konbentzitu du
Marraztuko al ditugu haragizko tximeletak
Ta hasi dira ferekak
Ta desio lurrundua elkartu dan segundua
Ez dakit existitu den
Elkar irentsi nahi duen
Bikote bat da munduan
Berandutu den kidea
Itxi diete taberna
Betiko proposamena
Zurean edo nirean
Eta etxera bidean
Amodioaz hizketan
Eta gelako krisketan
Ezpain puztuen irria
Gaur ere hitzazkirria
Izango da maindiretan
Izerditik izerdira
Arnas estuak zabaldu
Izara artean galdu eta barrura begira
Batera lokartu dira
Baina ez dakit zergaitik
Edo agian badakit
Zurrunka zurrunkan truke
Biek amets egin dute
Bakoitzak bere aldetik
Egun berri bat jaiki da
Arropak agudo jantzi
Eguzki printzak distantsi bilakatu ote dira
Orain elkarri begira
Gauak emandako xarma
Egunsentiak darama
Benetan ondo pasa dut
Agian deituko dizut
Beste bat arte laztana
Ahalik azkarren handik
Alde egin beharra dago
Besteetan baino hutsago
Sentitzen dira oraindik
Ta bi bakardade handik
Lehenago ez zekiten
Orain ez dakit dakiten
Damuak damuen truke
Bi bakardadek ez dute
Bikote ona egiten