Hazi egin da txanogorritxu
Kale ertzean dago lizun
Garai batean kale ixkinak
Beldurra ematen zizun
Hasetzen ditu gizonezkoen
Horrenbeste eskakizun
Maitasun bete antzerkietan
Antzerki bete maitasun
Otso kuttuna, otso laztana
Zein aho handia duzun
Zein aho handia duzun
Peter pan honen obsesioa
Sekula betiko ote
Lehengoaren ezberdina da
Bere bizar ta bibote
Maiz haur galduen bila ibiltzen da
Ta izan du nahiko zorte
Jakingo balitz peter pan jada
Giltzapetua legoke
Haurren batzuk haur izateari
Goizegi utzi diote
Goizegi utzi diote
Bellaren begi marroiak dira
Esperantzaren bi izpi
Nerudan poema erromantikoak
Guztiak buruz dakizki
Lehengoan ttantta gorri batekin
Tapatu ziren bi hizki
Senarrak puta deitzen dio maiz
Ta kolpatzen du bortizki
Noiz bihurtu zen piztia printze
Ta printzea berriz pizti
Ta printzea berriz pizti
Ta hala bazan edo ez bazan
Sar dadila kalabazan
Ta hala bazan edo ez bazan
Rapuntzel bizi den dorretxoan
Beti egiten du hotza
Inoiz ur jauzi hori hori da
Izan zen bere mototsa
Ta kimioaren ondorioek
Ematen diote lotsa
Kanpoko sorgin baten beldurrez
Pasa zuen ipuin hotza
Ohartu gabe bere barruan
Zeramala heriotza
Zeramala heriotza
Anfetamina garbituriko
Endorfinaren ahantzez den
Loti ederrak jadanik ez du
Ipuinetan sinesten
Ta saiatu da etxean zeuzkan
Pilula denak irensten
Loti ederra koman sartu da
Nahiz jada hain ederra ez den
Orain amets ez egitearekin
Besterik ez du amesten
Besterik ez du amesten
Telebistako eredu argal
Aldizkariko diskurtso
Edurnezuri komun tazaren
Ertzean dan begi lauso
Argaldu nahiak bere haragitan
Guztia bihurtu du txo
Ispiluetan hain ezaguna
Etzaion pertsona duso
Nor da erreinuko neska ederrena
Ispilutxo, ispilutxo
Ispilutxo, ispilutxo
Ta hala bazan edo ez bazan
Sar dadila kalabazan
Ta hala bazan edo ez bazan
Sar dadila kalabazan
Ta hala bazan edo ez bazan
Sar dadila kalabazan
Ta hala bazan edo ez bazan
Sar dadila kalabazan