Kishore Kumar Hits

Priyantha Fernando - Ambaruk Sewanalle lyrics

Artist: Priyantha Fernando

album: Bilinda Nalave


අඹ රුක් සෙවණැල්ලේ
මේ රන් ඔන්චිල්ලේ
පෙම් ගී ගයමින්
පදිනට එන්නේ
මා සුර සියුමැලියේ
උඩරට තාලෙට
ඔසරිය ඇදලා
මුතු දෙපටක් බැඳලා
කණ් අග රන් තෝඩු ද ලෙලවාලා
සරසවි කුමරි වගේ
සුරතල් සොඳුරී
මා අග රැජිණී
ඔබ මගෙ සුදු සුකුමාලී
අඹ රුක් සෙවණැල්ලේ
මේ රන් ඔන්චිල්ලේ
පෙම් ගී ගයමින්
පදිනට එන්නේ
මා සුර සියුමැලියේ
දුරුතු මහේ මඳ
සුළඟේ සැලෙනා
අර ලා දඹ අත්තේ
ගිරවිය හා ගිරවා එක තුරුළේ
ඔන්චිලි පදින ලෙසේ
ගෙල වට අත ලා
පෙම් ගී ගයලා
යමු පදිනට ඔන්චිල්ලා
අඹ රුක් සෙවණැල්ලේ
මේ රන් ඔන්චිල්ලේ
පෙම් ගී ගයමින්
පදිනට එන්නේ
මා සුර සියුමැලියේ
වතුසුදු අරළිය
මාලා පළඳා
ඔබ සරසමි මැණිකේ
නළලේ කොපුලේ දෙතොලේ මී බී
මම මත්වෙමි මැණිකේ
තුරු වදුලට වී
තුරුලේ නැළවී
අපි ගයමු අමර පෙම් ගී
අඹ රුක් සෙවණැල්ලේ
මේ රන් ඔන්චිල්ලේ
පෙම් ගී ගයමින්
පදිනට එන්නේ
මා සුර සියුමැලියේ

Поcмотреть все песни артиста

Other albums by the artist

Similar artists