Na Veikilai Lekaleka
By Nasio Domoni
Na veikilai lekaleka mosimosi ena talevoni
Mai vakavuna tu na tagi ni yaloqu senirosi
Diva lo meu raica na matamu isa buna
Dau lomatarotaro voli na yaloqu niu vaka nanuma
Rua Saiva Dua Rua e buawawa vei au ko vuravura
Matai ni qiri au ciqoma mai vei iko noqu bulikula
Au veilecayaki kau mai wadra tu vakabalavu
Niu raitayaloyalotaka lewa na matamu kei na rokamu
Au mai yaluyalu lala voli ena vakasaqaqara
Niu sa mai ciri tu me vaka na kau e lomani wasawasa
Sobo, ke o se kua ga ni qiri mai na matai ni gauna
Tawa cegu lequ dreu na tuturu ni wai ni mata
Noqu vakanumi iko tu ena tawa cegu rawa
Rua na yabaki ni veikilai e mosimosi dina
Teri cegu na taqiri tu ni talevoni ena veisiga
Ko vuki vakadewataka mai me sota na matadaru adi
Au lusimaki wale na wawa sobo daulomani
Tu veiyawaki beka ga e vuni dredre ni sota
Mai vakavuna tu oqo na tatao ni wa ni vosavosa
Tekivu me sa buawawa mai, voqa ni domo kei na veikilai
Adi Litia na dodomo sa kavoro ka vurumemea mai.
Au mai yaluyalu lala voli ena vakasaqaqara
Niu sa mai ciri tu me vaka na kau e lomani wasawasa
Sobo, ke o se kua ga ni qiri mai na matai ni gauna
Tawa cegu lequ dreu na tuturu ni wai ni mata
Noqu vakanumi iko tu ena tawa cegu rawa
Nakalavo mai Nadroga na nomu yavu dia
Wasei kedaru tu na wasawasa e rui mositi au dina
Sa dau iwewe ni gusu voli ga, E veisiga na domomu adi
Mai cagi ni veidelana ko Ruge sa loloma yani
Mai cagi ni veidelana ko Ruge sa loloma yani