Sid Ali Lekam - Nedjma - Lyrics, Similar artists

Kishore Kumar Hits — Sid Ali Lekam - Nedjma lyrics

Artist: Sid Ali Lekam

album: The King Of Chaâbi

سيد علي لقّام . نجمة
محلاكم يا نجوم يا مونّسين القمر
يا مصابح اللّيل نحكيلكم سرّي
يبان زينكم فالظّلام هذا شي يحيّر
تحّجبو على النّاس ترّحلو الصباح بكري
"""""
محلاكم يا نجوم يا مونّسين القمر يا مصابح اللّيل نحكيلكم سرّي
يبان زينكم فالظلام
هذا شي يحيّر
يبان زينكم فالظلام هذا شي يحيّر
تحّجبو على النّاس ترّحلو الصبح بكري
كل نجوم واقفين في رحمة و ستر
كل نجوم واقفين
في رحمة و ستر
غير نجمة زهري اللّي راحت تجري
محلاكم يا نجوم يا مونّسين القمر
يا مصابح اللّيل نحكيلكم سرّي
يبان زينكم فالظّلام هذا شي يحيّر
تحّجبو على النّاس ترّحلو الصبح بكري
كل نجوم واقفين في رحمة و ستر
ياو غير نجمة زهري اللّي راحت تجري
كرهت من مكانها حبّت تسافر
قالت عندي الزّين و سلاحي صُغري
يا نجمة اهداي راه قريب الفجر
وين رايحة فالظّلام بلاك تتبحّري
راه قلبي يهواك و راه السّفر واعر
ابقاي معايا نديرك في بصري
درتك فوق ريسان قادة العسكر
في تاج المُلوك و هاذي من بكري
درتك فالعلام فرح ولّى يفرفر
فوق قبّة القصور و اعطيتلك عُمري
عزّيتك كثير درتك فالمنبر
و مكانك بعد ما نموت في شواهد قبري
ابقاي معايا راه ربّي قادر
يجمعنا فالخير و الهناء شكون يدري
"""""
قالت لي قريت عند وحد الشّاعر
ابيات على الزّهو
و انا يا حبيبي أنا ضاق خاطري
كلامو كان ساهل بلا ما يفسّر
قنّعني و قرّرت، قرّرت نجرّب زهري
يا نجمة اصّبري راه مليح الصّبر
ماكاش كي السترة اللّي مدحك غرّيه
قالت لي المكتوب كل شي مقدّر
زيد النجوم كاينين شوف وحدة غيري
اللّي كان بيناتنا نعاودو ماللّخر
انت شوف ما ادّير وانا نعوم بحري
وين درتي حبيبك في صفحة القدر
ضحكت و قالت، قالت حبيبي في حجري
ثم بدا الدمّار درت يدّي على الصّدر
من كثرة الخبّاط خرج قلبي من ظهري
"""""
ثم بدا الدمّار درت يدّي على الصّدر
من كثرة الخبّاط خرج قلبي من ظهري
جازيتيني بالنّكر يا شهدة الغدر
لكنّي واقف بقدرة البارئ
الدّفلة مُرّة أنا عندي سكّر
من كثرة المرار اللّي ذقتُه في صغري
ما ردموني جبال ما كلاني البحر
كي اللّي شي غبّار نفضتُه من شعري
أنا الشّعر ما قريتش لكنّي نهدر
نقول واش نحس و نوزن بعباري
اللّي قرّاك الزّهو ردّيتيه شاطر
ماهوش هو اللّي عالم انتي اللّي ذراري
سيف شعرُه غامل مصدّد و مزنجر
بينو و بين البهيم الفرق شواري
يرد عليّا إذا، إذا كان شاطر
نشبّعو قافية المشكلة في داري
ما تروحيش للبعيد يا شهدة الغدر
تزّغدي شويّة من بعد تتغبّري
أنا قلبي نيّة، انتي قلبك حجر
تبقى بيناتنا تعياي تتفكّري
نختم كلامي بالمسك و العنبر
و الصلاة على الحبيب ريحة نوّاري
الصّحابة الكرام، عمر أبو بكر
نذكر أسمهم انوّر داري
و عابد ختم، شهّد و استغفر
بعثت سلامُه لللّي فالهوى قاري
سيد علي لقّام باوتارو حاضر
مازالهم الاثنين شايدين فالبارئ

Поcмотреть все песни артиста