الحاج امحمّد العنقى . سبحان الله يا لطيف
"""""
زغلول لطيف يا عريف
نحكيلك و افهم
في سن الورد و الرّبيع باهي الاوصاف
"""""
مغرور بريشُه الظّريف
جاني متخاصم
سلّ سيفُه و قال ليّا عندي خلاف
"""""
أوقف إذا أنت شريف
من أهل الخاتم
ورّيلي وين وصّلاتك قوّة الأكتاف
"""""
أوقف إذا أنت شريف
من أهل الخاتم
ورّيلي وين وصّلاتك قوّة الأكتاف
"""""
جاوبت أنا و قلت كيف
ماجي نتكلّم
بكلام الغيظ واش هاذي غضبة و زعاف
"""""
جاوبت أنا و قلت كيف
ماجي نتكلّم
بكلام الغيظ واش هاذي غضبة و زعاف
يحّسبو كلشي خطيف
غير أجي و ازدم
اللّي يبقى مع التّوال قالو زحّاف
سبحان الله يا لطيف
أنت اللّي تعلم
كاين شي ناس من استحاهم يقولو خاف
سبحان الله يا لطيف
أنت اللّي تعلم
كاين شي ناس من استحاهم يقولو خاف
"""""
ماهيشي جابها النّيف
كي جيت محزّم
هذي غيرة مرزّمة و حسودي بزّاف
"""""
ضنّيتك صاحبي حليف
بيّا تتزعّم
وثرن هڨّيتلي مطامر تدّي للكاف
"""""
حتى ولّا أنت سخيف
من حقّك تحشم
تعرفني قاطع البحور جايل الارياف
يحّسبو كلشي خطيف
غير أجي و ازدم
اللّي يبقى مع التّوال قالو زحّاف
سبحان الله يا لطيف
أنت اللّي تعلم
كاين شي ناس من استحاهم يقولو خاف
سبحان الله يا لطيف
أنت اللّي تعلم
كاين شي ناس من استحاهم يقولو خاف
"""""
عساك أنت اللّي كسيف
للدّنيا قادم
مثلك ما عاش ما زهى واش اللّي شاف
"""""
اللّي زغلول ما ينيف
ورشان معلّم
قادر يرحيه في حروف الهلاب و كاف
يحّسبو كلشي خطيف
غير أجي و ازدم
اللّي يبقى مع التّوال قالو زحّاف
سبحان الله يا لطيف
أنت اللّي تعلم
كاين شي ناس من استحاهم يقولو خاف
سبحان الله يا لطيف
أنت اللّي تعلم
كاين شي ناس من استحاهم يقولو خاف
"""""
مرڨوم الرّيش يا رهيف
أرجع لا تندم
عندك منڨار ما يحارب و جناح ضعاف
أترك الحديث العنيف
ما هوش موالم
و أترك عليك لُغة الغضبة والتّشناف
اللّي زغلول ما ينيف
أرجع للمرسم
و اللّي بعثوك قُل لهم ما هومش ضعاف
يحّسبو كلشي خطيف
غير أجي و ازدم
اللّي يبقى مع التّوال قالو زحّاف
سبحان الله يا لطيف
أنت اللّي تعلم
كاين شي ناس من استحاهم يقولو خاف
سبحان الله يا لطيف
أنت اللّي تعلم
كاين شي ناس من استحاهم يقولو خاف
"""""
ياك الزّغلول يا نحيف
أرجع للمرسم
و اللّي بعثوك قُل لهم ما هومش ضعاف
"""""
يحّسبو كلشي خطيف
غير أجي و ازدم
اللّي يبقى مع التّوال قالو زحّاف
سبحان الله يا لطيف
أنت اللّي تعلم
كاين شي ناس من استحاهم يقولو خاف
سبحان الله يا لطيف
أنت اللّي تعلم
كاين شي ناس من استحاهم يقولو خاف
"""""
كاين اللّي يجي بصيف
يبدا يتزعّم
يقول أنا غير أنا ما كاش خلاف
خُصوص إذا أنت سعيف
تسكت و تساعف
ترجع في حينها حلاسة ولّا نشّاف
يحّسبو كلشي خطيف
غير أجي و ازدم
اللّي يبقى مع التّوال قالو زحّاف
سبحان الله يا لطيف
أنت اللّي تعلم
كاين شي ناس من استحاهم يقولو خاف
سبحان الله يا لطيف
أنت اللّي تعلم
كاين شي ناس من استحاهم يقولو خاف
"""""
كاين اللّي يجي لهيف
بانيابُه يهضم
ما روّاتُه ميات صحفة و ألف غرّاف
باغي كُرسي من الصّديف
و كنوز العالم
اللّويز و الماس و الفضاضي من كل أصناف
كاين اللّي يجي عفيف
مازالو يحلم
ذقنُه مازال ما عرفشي موس الحفاف
يرجع ضربان لا تصيف
زڤطي متشلغم
باعك و شراك في دقيقة عند الحرّاف
"""""
كاين اللي يجي ثقيف
يعرف يتكلّم
بالانبياء و الكتوب و الجمع الاشراف
يخّدعك غير بالحليف
يقسم و يعظّم
و السّبحة راه من وراها يعمل زرناف
يحّسبو كلشي خطيف
غير أجي و ازدم
و اللّي يبقى مع التّوال قالو زحّاف
سبحان الله يا لطيف
أنت اللّي تعلم
كاين شي ناس من استحاهم يقولو خاف
سبحان الله يا لطيف
أنت اللّي تعلم
كاين شي ناس من استحاهم يقولو خاف
"""""
كاين اللي يجي ثقيف
يعرف يتكلّم
بالكتاب و الرسل و سادات الاشراف
يخّدعك غير بالحليف
يقسم و يعظّم
و السّبحة راه من وراها يعمل زرناف
"""""
كاين اللّي يجيك ضيف
بالقش مرزّم
في ايّام البرد و الشتاء و الريح الزفزاف
فاتت الأمطار و الخريف
باقي مترسّم
يرجع هو مولا دارك و أنت جحراف
يحّسبو كلشي خطيف
غير أجي و ازدم
و اللّي يبقى مع التّوال قالو زحّاف
سبحان الله يا لطيف
أنت اللّي تعلم
كاين شي ناس من استحاهم يقولو خاف
سبحان الله يا لطيف
أنت اللّي تعلم
كاين شي ناس من استحاهم يقولو خاف
"""""
الحمام إذا نسى الولفة
من بعد الحب و الشّغاف
خلّاني في الأحزان و جفى
من دون دواس لا خلاف
هذا تحقيق به شوفة
شكيت داروا له لثقاف
هذا تحقيق به شوفة
شكيت داروا له لثقاف
الباز إذا يغيب صدفة
يهجر و يروح للتّلاف
خلاها خالية الغرفة
من ذاك اليوم ما نشاف
ظنّيتُه صاحبي و يشفا
وثرن ثعبان في الاجواف
آش ذالعار عيب كشفة
يا ناس بلادي يا سخاف
درتوها مرتبة و حرفة
نكرتوا الخير و الصناف
سومتكم ما سوات علفة
في سوق السّبت و الجياف
درتوها مرتبة و حرفة
في سوق السّبت و الجياف
يحّسبو كلشي خطيف
غير أجي و ازدم
اللّي يبقى مع التّوال قالو زحّاف
سبحان الله يا لطيف
أنت اللّي تعلم
كاين شي ناس من استحاهم يقولو خاف
سبحان الله يا لطيف
أنت اللّي تعلم
كاين شي ناس من استحاهم يقولو خاف
"""""
ما هي صحبة و لا معرفة
ما هي نسبة و لا حلاف
كيفاش القلب عاد يصفى
كي قطّعتوه بالطّراف
من يصحبكم راح في الفا
و الرا المسبّقة بقاف
يا ضيف الله جوز تدفى
رد سلامي لا تخاف
ياك احنا نايضين شرفا
و الله ما نخيّبوا الضياف
ارتاح هنا بغير كلفة، و اترك عليك ذا اللّحاف
و اترك عليك ذا اللّحاف
يحّسبو كلشي خطيف
غير أجي و ازدم
اللّي يبقى مع التّوال قالو زحّاف
سبحان الله يا لطيف
أنت اللّي تعلم
كاين شي ناس من استحاهم يقولو خاف
سبحان الله يا لطيف
أنت اللّي تعلم
كاين شي ناس من استحاهم يقولو خاف
"""""
يحّسبوا الشّيخ ما يفيد
عدّوه يخرّف
قنديلُه مات و انطفى
و الشّيخ آ سامع القصيد
نورُه ما يكسف
ما بين الصّبح و العشية و الناس تشوف
يحّسبوا الشّيخ ما يفيد
عدّوه يهترف
قالو سيفُه رشى حفى
و الشّيخ آ سامع القصيد
مازالو يهدف
بسيفُه برّاق فالثنية ديما معروف
يحّسبوا الشّيخ ما يفيد
كي الثّور الشّارف
ارحاو الموس فالخفاء
و الشّيخ آ سامع القصيد
ما هوش مكتّف
ماهوش غنيمة الضحيّة و ما هوش خروف
يحّسبو كلشي خطيف
غير أجي و ازدم
و اللّي يبقى مع التّوال قالو زحّاف
سبحان الله يا لطيف
أنت اللّي تعلم
كاين شي ناس من استحاهم يقولو خاف
سبحان الله يا لطيف
أنت اللّي تعلم
كاين شي ناس من استحاهم يقولو خاف
"""""
يحّسبوا الشّيخ ما يزيد
شملالُه يوقف
كيفما عملوا ما كفى
و الشّيخ آ سامع القصيد
يسكت و يساعف
راهي ما خفات له خفيّة كل شي مخلوف
يحّسبو كلشي خطيف
غير أجي و ازدم
و اللّي يبقى مع التّوال قالو زحّاف
سبحان الله يا لطيف
أنت اللّي تعلم
كاين شي ناس من استحاهم يقولو خاف
سبحان الله يا لطيف
أنت اللّي تعلم
كاين شي ناس من استحاهم يقولو خاف
"""""
واجب عنّي نترك من لا فيه الخير
و الشرع نهى على المعارف الغدّارة
زمان مشيت في معريفتهم صغير
نحسب عرفت اهل الخير الصبّارة
جرّبتهم جبرتهم جملة ثوب قصير
على قلّ من شي ضحاو عن خيري نكّارة
و مشالي ما عملت
و مشالي ما عملت مالخير خسارة
غنّيت شحال من قصيد
منظوم مستّف
و النّاس جميع عارفة
فنّي ما هوش من المسيد
مانيش مثقّف
قرّاني الجوع و الحفا
خُبزي مصنوع من السّميد
ماهوش مسلّف
داري ماهيش تالفة
خبزي مصنوع من السّميد
ماهوش مسلّف
داري ماهيش تالفة
ماني محساد لا جحيد
عمري ما نسخف
نمشي و نعيش بالصّفا
يشهد القريب و البعيد
ما نيش موالف
نهدر و نقول في القفا
عظمي ماهوش للكديد
مانيش محشلف
أرضي ماهيش ناشفة
الصّيد يموت ياك صيد
و لو كي يشرف
منّه الذياب خايفة
اللّي مقيود ما يقيد
يشد المقذف
في وسط الرّياح عاصفة
مول المنظوم و القصيد
ما هوش مطرّف
من أهل الصّدق و الوفا
ولد باب جديد بالوكيد
ببير جبّاح نحلف
التّومي قال مصطفى
و اللّي غنّاها عميد
فيها يتصرّف
شيخ العنقى اذا كفى
عام السّبعين لا تزيد
من بعد الألف
و التسع ميا مردّفة
الجزاير عهدها جديد
سنجاق يرفرف
تمّيتُه قلت بالصّفا
زغلول لطيف يا عريف
نحكيلك و افهم
في سن الورد و الرّبيع باهي الاوصاف
يحّسبو كلشي خطيف
غير أجي و ازدم
اللّي يبقى مع التّوال قالو زحّاف
سبحان الله يا لطيف
أنت اللّي تعلم
كاين شي ناس من استحاهم يقولو خاف
سبحان الله يا لطيف أنت اللّي تعلم
كاين شي ناس من استحاهم يقولو خاف
كاين شي ناس من استحاهم
يقولو خاف