Kitni hi naimaton ko kiya mene andekha
Kitne afsos leke afsurda ban betha
Kya hua jo abu hogaye dur?
Mujhe hona chaiye fakhar ke me Maa ka gharoor
Ke me marham hun zakhmon pe tootay we dil ki
Ye taaqat bhi sirf Rab ke sab pyaaron ko milti
Ke bikhray we log mere geeton me aks dekhain
Jhoom rai hai rooh meri arsh pe sab raqs dekhain
Socho wahan upar bhi kya hoga samaa
Nusrat sahab ki awaaz Bulleh Shah ka qalaam
Jagit aur Ghaalib ki bhi hogi mulaaqaat
Elia sahab ko bhi milgaye sab sawaalon ke jawaab
Ke kon rehta hai aasmaan me
Kya rakha hai tootay samaan me
Is mehfil me in sab me aik aur shaks hoga
Wohi jiska naam leke aage me hun chal raha
Jaanta hun abu aap upar muskuraa rahe
Bеta Mere bataa ke wahan sab ko jataa rahе
Faiz, Jaalib, Jiggar ko bhi mere geet sunaa rahe
Me Jaanta hun abu aap ab bhi muskuraa rahe
Fikkar nahi karna aapka beta abhi zinda hai
Naam aapka rahega ye aapse mera waada hai
Yaad aaya mere sunne waale ka peghaam
Ke mene anjaane me bachaali uski jaan
Kese geet mere uske ghamon ke hue saathi
Kese wo bhi akela nahi dunya samajh paati
Aur agar tum bhi jo sun rahe yehi mehsoos karte
No ro mere pyaaray dekho aese nai afsos karte
Waada hai mera badlenge halaat
Ye waada hai teri kabhi hogi na maat
Tu dil ka hai sacha tu rooh ka bhi saaf hai
Ye dunyaawi mitti jo ur rai aas paas
Ham badlenge, Hamne kal ko sawaarna
Hamne kisi ka dil me bhi rakhna udhaar na
Na hoga koi dushman na dilon me khot hoga
Jo bhi nazar aaye, wo apna hi dost hoga
Galay se laga lo jo bhi pyaara tere saath
Jo saath nahi unse bhi hogi mulaaqaat
Wo kehenge ke fakhar hai tum haar nahi maane
Pare dunya ke taane Kahin apne begaane
Hai emaan mera ke sab raks aik honge
Harf nahi larenge na jumlon ke wair honge
Har koi muhabbat ke geet gungunaega
Dur nahi wo waqt jab aesa dor aaega
Ke hat jaengi sarhadon se beriyan rukawatain
Ham dono hi mulkon ke log honge saath me
Eid ya Diwali, Ramzan ya ho holi
Na hogi kabhi khaali kisi bebas ki jholi
Aur jitne bhi khwaab mujhe pata sab sach honay
Milte we dekhe mene shehron ke konay
Me chotay se sheher ka gumnaam sa larka
Jo sirf apne dil ki sab batain tumse hai karta
Agar uske lafzon me tum khud ko dekh pa rahe
Phir shayad kuch bhi nahi jo is dunya me la haasil
Tu sabar rakh, chalta reh, sar rakh ooncha
Me jaanta tu dukh me tu khud se hi rootha
Khud ko manaa ke manzilain abhi bhi baaqi
Aur tu nahi hai tanha ham sab tere sathi
Ham jannat me saath bethe khud pe hasenge
Ke yunhi afsurda the bewajah ki batonnn pe
Jaanta hun mushkilain bhi ab tak hain saakin
Me jaanta ke tang kare tujhe tera baatin
Is like doobti wi kashti ko miljaega saahil
Yaqeen rakh
Sab hojaega Haasil