Mont a reomp pazenn-ha-pazenn
Gant hom skalieroù frailhet
Hag a‐raok ma vefemp lazhet
Drailhomp an dorioù morailhet
C'hwezh ar gwad, c'hwezh ar c'hwezenn
Tremenet omp dre un nor bet alc'hwezet
Reudet eo gwalenn da gein
Roet az feus din ar pezh n'am boa ket kredet reiñ
Da belec'h ec'h eomp?
Kollet, taolet ha distaolet gant ar gwenojennoù moan
Ec' h eomp kamm-digamm hed-ha-hed hom c'hoant
Daouzrailhet gant an tan on-me kaset ha digaset ha
Mezevelliñ a ran
Ne ouier ket ken ha n'omp ket evit lâret
Petra en deus e rannet
Petra a zo morailhet
Doriched hom spered a zo da frailhañ
Na Lârit ket din ec'h eo arri ar fin, na lârit ket din ar fin zo arri
Kar arri sot-nay ne oar ket mat an nen ar pezh a raio
Mezevelliñ a ran
Evel ma vije bet lemmet diganin un hanter hani
Kroc'hen un dremm e-tal ma c'hichen
Ret mont kuit a-raok ma teuio ar yenijenn
Badaouet daou-ha-daou atav
Petra meump ijinet?
ABalamour da betra ne meump ket remerket
E oa tremenet ar glav?
Huñvreal a rez war-sav
N'out ket kousket koulskoude met arri eo ar c'houlz da
Ziblouzañ ma dousig
Mallozh an Doue
Ec'H eomp an daou asambles gant an hentoù
Disammet da james hom speredoù
Diskouez a raimp an eil d'egile ar gwenojennoù
Biken n'en em yenin diouzhit
Pignat a rin ar menezioù, treuziñ a rin ar rinierioù hag ivez
Diradena a rin Plouie!
Den na vo kad da zihentiñ ac'hanon
Deus ar re all ne reomp ket a van
Deus ma farez
Kar n'on ket kreñv a-walc'h evit ober gant ar c'hleñved a boazh ac'hanon
Hi 'n deus ar galloud da liammañ ha da ziliammañ da bareañ
Pe da lazhañ ac'hanon
Hi 'n deus savet al lezenn ha bremañ on dilezet ganti
Ken e krenan gant an derzhienn
Ren a ra krenn-ha-krenn ma c'horf ha ma ene
N'on ket evit gortoz ken
Tapit krog en ur morzhol ha skoit gant ma fenn
Ken a vo digoret penn-da-benn
E-Barzh ma c'hig emañ da ivinoù
Ha ma gwad a zo e-barzh da c'henoù
Debret ez peus ac'hanon en ur zont din
ADalek bremañ ne vo ket heñvel ken