D'a mesma traza
Que a boira amaga
A luna plena
Como a flama
Que dimpués s'amorta
En a nueit de San Chuan
Y fuye zaga l'alba y no i torna más
Asinas fació ixa mesacha
Que estió o zaguer amor
O cielo yera
Un manto d'estrelas
En a plaza de Guaso
Yo con bel trago
Y poca vergüeña
De fer o payaso
Y bailando sola l'albaca en a era
La viyé como ven
A luz de luna as oliveras
Dengún d'os presents
L'en deciba cosa
Me acerqué y de bislay
Pregunté o suyo nombre
Y os suyos uellos
Dición: "ixo rai"
No ascutié a suya voz, pero sintié amonico
Como puyó as mías mans
D' a mía pocha a o suyo melico
"Aquí ye costumbre
Bailar pasodobles
Cuan femos borinas
"Yo bailo a la fin
Como ixe maziello
Que canta a Orquestina"
"Pero por ser tú ista nueit mereix
Vier como amaneix
Baixo l'auguas desnudas de l'ara"
S'en fue encara de nueit
A l'inte como fumo en o zielo
Deixándome o suyos uellos
Sin nombre a fuego en o esmo
Y una verdat en a palma d'a man
Que no amostra atro camín
Que a soledat de tristeza en os vasos
Plorando glarimas de vin
Asinas pues
En aquera plaza
No facié que danzar
Con ueito tragos
Y bel redolón
No plegué a marguinear
No más que una nueit pa enamorar-me
No más que atro trago, atro trago
Atro tago pa no fer guaire
S'en fue encara de nueit
A l'inte como fumo en o zielo
Deixándome o suyos uellos
Sin nombre a fuego en o esmo
Y una verdat en a palma d'a man
Que no amostra atro camín
Que a soledat de tristeza en os vasos
Plorando glarimas de vin
S'en fue encara de nueit
A l'inte como fumo en o zielo
Deixándome o suyos uellos
Sin nombre a fuego en o esmo
Y una verdat en a palma d'a man
Que no amostra atro camín
Que a soledat de tristeza en os vasos
Plorando glarimas de vin
Plorando glarimas de vin
Plorando glarimas de vin