Kishore Kumar Hits

Arthur Meschian - Strange Kind Of Man lyrics

Artist: Arthur Meschian

album: Hit Collection


Տարօրինակ, տարօրինակ մարդ արարած,
մոմի լույսով' խավարի մեջ համատարած,
կհալածես դու տեսիլքներ արևավառ,
կխարխափես և խավարին չես հավատա...
Արցունքներիդ միգամածին խորին տմույն
գիտես նայել արշալույսի ճաճանչներին
սգի քողի տակ հուսալից դու սիրահար'
կտառապես և վշտերիդ չես հավատա...
Վզիդ շղթա և թևերիդ ծանր կապանք'
դու կփորձես արծիվներին վայել ճախրանք,
և այս կյանքի մեծ բանտի մեջ բազմակամար,
դու կխեղդվես' շղթաներիդ չես հավատա...
Փուշ ու տատասկ քեզ կարյունեն ճամփիդ վրա,
բայց խոցոտված քո մատներով արյունլվա,
դու կորոնես ծաղիկների հոգին պայծառ,
ցավից կոռնաս և ցավերիդ չես հավատա...
Տարօրինակ, տարօրինակ մարդ արարած,
քո ձեռքերով հողին կտաս կյանքեր ծաղկած,
կզգաս դեմքիդ մահվան քամին և հողմավար,
կընկնես անշունչ, սակայն մահվան չես հավատա...
Տարօրինակ, տարօրինակ մարդ արարած,
մոմի լույսով' խավարի մեջ համատարած,
կհալածես դու տեսիլքներ արևավառ,
կխարխափես և խավարին չես հավատա...

Поcмотреть все песни артиста

Other albums by the artist

Similar artists