Essu, a bellu chi est su fizu 'e tiu Zuanneddu
Tenet cara ruza e bonos sentimentos
Sun pro issu totus sos pensamentos
Parzo iscuta a fuste, non rejonat su cherbeddu
Pecadu chi sa mama siet tropu gelosa
Est mala a si fidare, non lu faghet issire
M'apo a comporare un bellu 'istire
Pro intrare a domo sua che lepenedda isposa
Si m'an a preguntare de sos benes mios
Deo li naro chi no tenzo tancas
Ma fortes e russas juto sas ancas
E fortzas in sos bratzos chi paren duos rios
Custu manzanu m'inde so ischidada
Che anzoneddu dílicu in su sartu
Comente at a esser s'ora de su partu?
Sonniande in sos furreddos mi so fintzas brusiada
Essu, a bellu chi est su fizu 'e tiu Zuanneddu
Tenet cara ruza e bonos sentimentos
Sun pro issu totus sos pensamentos
Parzo iscuta a fuste, non rejonat su cherbeddu
S'istrutzione chi no tenzo apo a cuare
Mi lezo unu libru inue b'est s'istòria
Gai faco una figura chi finit in glòria
E i'sa manu de su fizu sa mama m'at a dare
Babbu m'at ja nadu chi so tropu isperantzosa
Chi so andande meda cun sa fantasia
Che aia at fatu menzus a arregòllere s'olia
E b'ind'at de tempus pro mi fàghere a isposa
Custu manzanu m'inde so ischidada
Cun sa maglia suerada pilu pilu
Tenzo su disizu apicadu a unu filu
Tantu no mi cheret, m'inde so infadada
Essu, a bellu chi est su fizu 'e tiu Zuanneddu
Sa cara est tropu ruza e no tenet sentimentos
Apo isperdissiadu totus sos pensamentos
Si l'iscudo a fuste li lasso su marcu nieddu
Custu manzanu m'inde so ischidada
Cun sa maglia suerada pilu pilu
Tenzo su disizu apicadu a unu filu
Tantu no mi cheret, m'inde so infadada
Essu, a feu chi est su fizu 'e tiu Zuanneddu
Sa cara est tropu ruza e no tenet sentimentos
Apo isperdissiadu totus sos pensamentos
Si l'iscudo a fuste li lasso su marcu nieddu
Essu, a feu chi est su fizu 'e tiu Zuanneddu
Sa cara est tropu ruza e no tenet sentimentos
Apo isperdissiadu totus sos pensamentos
Si l'iscudo a fuste li lasso su marcu nieddu