Pedreddu est cori-modde e disizosu
Subitamente a si faghere isposu
Pedreddu est cori-modde e disizosu
Subitamente a si faghere isposu
Bilgonzosu però l' ha fattu Deu
E puru puru male-fattu e feu
Pedreddu est cori-modde e disizosu
Subitamente a si faghere isposu
Sas piseddas l'han dadu su refudu
Narendedeli: "maridu 'e giogu!
Ses troppu feu, no' bales a logu!
Mancu a ti fagher crabolu corrudu!"
Chiccu-pedreddu nde tened' 'ilgonza
E s' imbreaga' po si consolare
Est' imbreagu ma no si consola'
Est cori-modde e sighidi a buffare
A un' alvuritta 'e mela chidonza
Chi in d' unu campu fidi sola sola
Male-reu li faghe' sa dichiara
E la cumbidad' a su ballu tundu
E acchicchende suspirad' e li nara'
"... o istella sa pius bella 'e custu mundu
Dammi su coro e basami sas laras
Tene piedade 'e custu moribundu..."
Ma s' alvuritta senza cautela
Ca si presumede ed est tribiditta
Senza nemancu narrer su poitta
In faccia che l' imbolad' una mela
Senza nemancu narrer su poitta
In faccia che l' imbolad' una mela
Manna tosta e pesosa cosa rara
Chi l' ischelfia' sas carigas in cara