Firma, firma! A ue fues clori bella? Inoghe resta
Mira chi grave tempesta sun minettende sas nues!
Firma, firma! A ue fues clori bella? Inoghe resta
Mira chi grave tempesta sun minettende sas nues!
Inoghe solu has iscampu firmadi clori inumana
Sa idda es troppu lontana de percias nudu è su campu
Firma! Ohimè ite lampo no intendes ite trono?
Lassa chi torren in bonu sas conturbadas aeras
Non ses in manos a feras de s'africana foresta
Mira chi grave tempesta sun minettende sas nues
Non ses in manos a feras de s'africana foresta
Mira chi grave tempesta sun minettende sas nues
S'orcu non so pro chi orrore
Ti fetta e fues goie
Ma cuddu so chi unu die
Amadu as de amore
Motivu a giustu rancore eo happo tentu e non dadu
Orvidemus su passadu pro un'istante assunessi
S'andas como essi per essi curres a morte funesta
Mira chi grave tempesta sun minettende sas nues
Prite goi zegamente cheres sa morte affrontare?
Tantu t'affanna restare pro pagu a mie presente?
Non timas no chi t'ammente sa paga fide c'has tentu
S'affalzadu giuramentu sa fatta traitoria
Si siche sa limba mia prima de t'esser molesta
Mira chi grave tempesta sun minettende sas nues
Si siche sa limba mia prima de t'esser molesta
Mira chi grave tempesta sun minettende sas nues
Non penses chi manca prou sa bella mano t'istringhe
Non cretas chi ti lusinghe pro chi m'ames dae nou
Solu pro su mezzus tou pronto ti dao rizettu
Sighi puru ogni dispetto portami odio e regelu
Ma intanto de su chelu time s'ira manifesta
Mira chi grave tempesta sun minettende sas nues