S'abba de s'arriu falande dae su monte non isbeliada sa sisia
A s'albeschidorzu unu bentu trarchiarzu punghede sulande
Battor non conoschent sa manu de su fogu, unu non conoschet sa nie
Non hana bistu ancora sa lughe de su sole chimbe duddurinos
Unu non conoschet sa manu de su fogu, battor non conoschent sa nie
Non hana bistu ancora sa lughe de su sole, chimbe duddurinos
Tott'impare si sunt abiados pro chilcare su trol'u manantiale
Chilcant oe, cras e pusticrasa chilcana chimbe duddurinos
Unu chercu in s'oru'e sa semida lis hat nadu: "su trol'u manantiale
Chilcadelu semper susu e pius a susu chimbe duddurinos"
Intantu s'abba de s'arriu non si filmada, sizida falat a su pranu
Punghente punghente unu bentu trarchiarzu sulat tottu die
Unu non conoschet sa limba de su fogu, battor non conoschent su mare
Non hana bistu ancora sa lughe de sa luna chimbe duddurinos no
Non timent abba, bentos e sole sunt chilchende su trol'u manantiale
Chilcant oe, cras e pusticrasa chilcana chimbe duddurinos
Unu corbu in mesu 'e sa semida lis hat nadu: "su trol'u manantiale
Chilcadelu semper susu e pius a susu chimbe duddurinos"
Como assu dormischida intendene una oghe
Cantende lis hat nadu: "bois sezis gia lompidos"
Chilcana in cuddae, atterube, cuddaniche ma non l'accatana in logu
Sunt furriende in tundu, istraccos de chilcare chimbe duddurinos
Una mattighedda 'e chessa lis hat nadu: " su trol'u manantiale
Chilcadelu ancora semper pius a susu chimbe duddurinos"
Intantu s'abba de s'arriu non si filmada sizida falat a su pranu
Punghente punghente unu bentu trarchiarzu sulat tottu die
Como cun su nasu cara a chelu sunt chilchende su trol'u manantiale
Firmos che sa mattas pro non istorbare chimbe duddurinos
Como cun sos ojos cara a chelu sunt chilchende su trol'u manantiale
Firmos che sas perdas pro non istorbare chimbe duddurinos
Chimbe duddurinos
Chimbe duddurinos sunt chilchende, cun sos ojos
Cara a chelu, firmos pro non istorbare
Sunt chilchende cun sos ojos cara a chelu
Firmos pro non istorbare, su trol'u manantiale