Kay raming kandidato, iilan lamang ang pwesto
Kay raming tatakbo sa halalan
Dati-rati'y walang pakialam ngayo'y biglang "Mahal kong bayan!"
Nang dahil lamang d'yan sa halalan
Lahat nais tumulong (lahat nais tumulong)
Lahat ay nangangako sa halalan
Mataas ang pinag-aralan o walang nalalaman
Tablahan ang labanan sa halalan
Papawiin daw ang kahirapan
Iingatan ang kapaligiran
Paiiralin ang kapayapaan
Kung manalo (kung mananalo) sa halalan
Hala-lalan (hala-lalan)
Hala-lalan (hala-lalan)
Hala-lalan (hala-lalan) halalan
Milyun-milyong botante ang natotorete
Sa dami ng pangalan sa halalan
Mayro'ng magkakamayan, mayro'ng masasaktan
Mayro'ng paglalamayan sa halalan
Sino ang malinis at sino ang madungis?
Malalaman pagkatapos ng halalan
Tayo ang may kagagawan kung may kahihinatnan
Ang ating kinabukasan sa halalan
Malulutas kaya ang suliranin?
Bigla bang ang lahat ay may kakanin?
Ang hustisya ba'y biglang tutulin?
Pagkatapos (pagkatapos) ng halalan
Hala-lalan (hala-lalan)
Hala-lalan (hala-lalan)
Hala-lalan (hala-lalan) halalan
Akala mo karnabal (karnabal), akala mo karera (karera)
Akala mo pagandahan ng ngiti
Palaparan ng papel (papel), palinisan ng budhi (budhi)
Paramihan ng kamag-anak at salapi
♪
Kung ang anghel sa kampana'y maging demonyo pag-upo
Walang ibang may sala kundi tayo (ang tao)
Tayo ang namimili, tayo ang nagbabantay
Kapag tuso'y lumusot, tayo rin ang makakatay
Protesta ay asahan mula sa mga talunan
Mali raw ang bilangan sa halalan
Tayo lang ang makakaalam kung mayro'n o walang dayaan
Sana'y walang dayaan sa halalan
Anong kapangyarihan ang pinag-aagawan?
Kanino ipagkakatiwala ang yaman ng bayan?
Aanihin naman nila kapag nahawakan na?
Abangan (abangan) ang susunod na kabanata ng halalan
Hala-lalan (hala-lalan)
Hala-lalan (hala-lalan)
Hala-lalan (hala-lalan) halalan
Hala-lalan (hala-lalan)
Hala-lalan (hala-lalan)
Hala-lalan (hala-lalan) halalan
Hala-lalan (hala-lalan)
Hala-lalan (hala-lalan)
Hala-lalan (hala-lalan) halalan
Hala-lalan (hala-lalan)
Hala-lalan (hala-lalan)
Hala-lalan (hala-lalan) halalan