Hey, Herman Medrano, tento co e paroe
Ragassi me raccomando, senpre e recie verte
In giro ghe xe ancora xente che ghe piaxe fasse dire
Cossa che i ga da fare, da pensare, dire
Dove che i poe ndare, chi che i poe vedere
Ragassi, vialtri, dasse na scaturìa, dasse na svejada
Dasse na mossa, parchè sti qua i xe sempre pronti
I te ciapa, i te volta, i te piega e i fraca
Gnente robe insulse de carton o plasticon
Ste robe no sta in piè e va basso co un spinton
Da cuando che so nato che me e cato sol gropon
Pa tanti e sa da vecio, ma anca da cagnon
I xe 2000 ani de carota e de baston
I altri no xe mejo se i te ciava col sabion
Chi vive col magon, chi voe a rivoussion
Chi veste de arancion e chi se fa su un canon
Seto quante tante volte xe question de distrassion
E basta poco gnente pa canbiare a situassion
De queo che te senti xe fadiga na gestion
E no te guaivi tuto co do colpi de fraton
Giustificassion, robe bone pa un poltron
Mi fasso costrussion meto maton sora maton
Ogni vestito messo el va ben pa eà so stajon
No te ve miga in spiaja co e braghe e col majon
10 basabanchi, 9 basabanchi
8 basabanchi, dime quanti basabanchi?
7 basabanchi, 6 basabanchi
5 basabanchi, dime quanti basabanchi?
4 basabanchi, 3 basabanchi
2 basabanchi, dime quanti basabanchi?
1 basabanchi, e vanti e vanti
Quanti basabanchi? Senpre massa tanti
Uncuò dopia rassion, magna tuta eà to porsion
Fa ben eà to funsion, fin che no te ve in pension
Recita un copion, matrimonio da finton
Messa de matina e dopo mesodì baeon
Testa bassa al luni el to paron col baston
E se te ghe rajon serca almanco de stare bon
Gnente obiession e te daremo un medajon
Gnente reassion o te tachemo na sansion
So e robe se ghe riva fra un ano o fra un milion
A ti te voe un secondo, mi me basta na frassion
Co te ghe tolto eà bici e te ve fora dal porton
Te ghe da fare strada da restare co el sercion
Se no te voi capire e te va ben ste spiegassion
Va ben che naltro riva e te inpacheta a soussion
Xe tuto beo pronto, gnanca na conplicassion
Se tuto va benon te fe e robe de scondon
10 basabanchi, 9 basabanchi
8 basabanchi, dime quanti basabanchi?
7 basabanchi, 6 basabanchi
5 basabanchi, dime quanti basabanchi?
4 basabanchi, 3 basabanchi
2 basabanchi, dime quanti basabanchi?
1 basabanchi, e vanti e vanti
Quanti basabanchi? Senpre massa tanti
Ti studia eà situassion e toi na giusta posission
Ma studiate par ben co tute e to limitassion
Se sa ghe voe passion, ghe voe tanta conprension
No pa chi se bate el peto messi la in xenocion
"Tratien e to pulsion, aversion e repulsion"
Fin che no te rivi al'esplosion o al'inplosion
Fasso na prevision pa chi vive in repression
I deventa cussi boni che i te riva al'aggression
Espression dea propension pa sta sorta de tension
No xe che l'estension de na serta educassion
Astension, aspersion, devossion, procession
Atension: orassion, conversion, guarigion
Se te ghe pensi ben e xe robe che te fa inpression
Nessuna riflession, sensa logica o rason
Però i xe senpre tanti e i va pure in teévision
E co a prima ocasion vien fora a perversion
10 basabanchi, 9 basabanchi
8 basabanchi, dime quanti basabanchi?
7 basabanchi, 6 basabanchi
5 basabanchi, dime quanti basabanchi?
4 basabanchi, 3 basabanchi
2 basabanchi, dime quanti basabanchi?
1 basabanchi, e vanti e vanti
Quanti basabanchi? Senpre massa tanti
Vorìa sentire sta canson in alta rotassion
Pa e volte che i me ga tratà come gavesse na infession?
No posso che usare e paroe e l'invension
Ma co sti qua nessuna comunicassion
Gavì presente eà logica? Questi xe al'antitesi
Demensa assoluta e azardo na diagnosi
Disturbo dea personaità e del'io
Pa chi se crede el rapresentante in tera de Dio
E semo ancora pieni de basabanchi, altrochè