مثل هالصورة بإيدي بعدني بشوف حالي انا يلي بحضنك
فـ قد ما اكبر بعرف انو بعينك بتشوف هيدا الولد الي بإبنك
علمتني ان ما في شي بالهين بيجي لما شفت التعب يلي عملك
فلتقدر الي بيوصل ع طبق من فضة بدك تنسى ملعقة ذهب الي بتمك (آه)
بس وقفت عن شغلك كنت صعب عليك
بوقتها انا و خيي كنا بعدنا اولاد
ع اساس انو نكون كلنا تحت سقف واحد
ما كنت عارف انو الفوق راسنا دين
فا...
كان في مسؤولية بين ايديك بس ما بعرف وقتها كيف كنت حامل
لأنو بعرف كل همك ترجع توقف ع رجليك بس وقتها كان الدسك ما بيساعد
لهيك كنت بعد مدرستي مصروفي
كأنو شغلي ابدا من دروسي
هون كانوا يقولوا انو العلمُ نور ، وانا كنت المطفي بصفوفي
من صغري بقول انو حلمي كون هيدي الايد يلي بتشيل كل الهموم بعيلتك
لان بعرف صعبة ترجع تلم الشقف بس لتلقى اجارنا مكسور علينا
بعدين
ما بزت هالحجر ، لأن بعرف في ازاز كان موجود ببيتنا
فعلمتنا كيف نرجع نعلي هالسقف ، لان ولا مرة هون كان يوطا حيطنا
معليه
كنت تقوم ببيتنا و انا نايم بعد شغلي لارد جميل
فمستعد اعطيك كل عمري بيي بس كرمال كل سنة ضلني اكبر فيك
فيك بشوف بحالي
مش دايماً كون لحالي
لانو بذات عيونك بعدني انا وماشي
ورى خيال بعيد
بكب كلشي ورايه
بس قدامي ما عم بلاقي غير دعسة حدا ماشي كتير
من بعيد عم بتشوفني (تشوفني)
صارلي سنين راكض بس عم سابق مين ؟
لو في عدنا شبه هون راح كون غير
ضلني منك اخذ شي
برفع اسم العيلة لان بعرف كيف طلعنا بالبيت
بس قد ما علّي ، كيف بدكياني هون لاقي مثل اعلى من هيك ؟
علمتني بيي انو لتبني عيلة بتاخذ تضحية و بعدها حنان
بعرف امي هلأ مانها معنا بس انت المعنا الي بتعطي للاثنين
بعرف ايام كنا كتير عم منعذب
و انت وحدك تشوف سنين عم بتسبئ
و اذا روي بمشكل و خيي روني بالمخفر ساعتها على مين فيك تلحق ؟
قلي مين بيصدق كنو هيك ايامك ؟ انت ولا مرة تحسها هلاك
لانو مانا هينه نكون تنين ع كتافك و ولا واحد هون منا ملاك
لهيك كنت بعد مدرستي مصروفي
كانو شغلي ابدا من دروسي
هون كانوا يقولوا انو العلمُ نور و انا صرت الاضوي بصفوفي
الكل يشد ع ميلتي و انا كنت بالميت عمري 12 سنة وقتها نزلت ع الحي
حس بغيبتي اني تارك بيتي بس الشارع عيلتي لو خسرت كم خي
الحمل ع كتافي مش من تقل كتابي الي تعلمتو زيادة وقتها صرت بهالفي
بس بعدني ذاكر ، بس حملت شهادة ، نزلت و شفتاك عارف انك نجحت ك بي
لهيك
بعبي كتاب بافكاري
كل شي قطع معي كانو بالماضي
ف بمجالي بكرا بس يحكوا عني ك ملك
هيك بيعرفوا من التاج الي ع راسي
كرمال هيك
فيك بشوف بحالي
مش دايماً كون لحالي
لانو بذات عيونك بعدني انا وماشي
ورى خيال بعيد
بكب كلشي ورايه
بس قدامي ما عم بلاقي غير دعسة حدا ماشي كتير
من بعيد عم بتشوفني (تشوفني)
صارلي سنين راكض بس عم سابق مين ؟
لو في عدنا شبه هون راح كون غير
ضلني منك اخذ شي
اخذ شي
ضلني منك اخذ شي
(النهاية)