نعيشو في دنيا كي المتاهة و البشر يزلط
وين المادة و الفلوس اكثر من الشراب تغلط
نص عاطية للذل كارو نص على بدوناتها تتعلط
ما تحيرش في الذكورة لكثرت و الرجلة لقلت
عينين محوقة و وجوه صفراء و بدونات تسلت
في بلاد فيها كل شي فيها غاب كان الموت لي طلت
هوني البيبان لتسكرت اكثر من البيبان لتحلت
مواطن أعمى و دولة طرشة تسمع و تفلت
العباد عالخبزة تذلت
القلوب الباهية تضرّت
حثالة كانت تڨحف اليوم بزوز فرنك تغرت
فخوذات و صدر مفرت
و الاناثي تتشرّط
و لطيحوه بكالة فجيبو عدا حياتو مورط
باش ينسى الهم يزرق
يلوج في طريق يحرق
ولى طموحو يهج من البلاد يمشي في طريق يورق
لهنا البلاد تدفن غادي البلانصي يغرق
دموع الام تلم و موج البحر يفرق
شعب محڨور بلا قدر عايش في بلادو مرسكي
البروف من ال étude يتمعش و التلميذ يفسكي
كوبلاوات تحكي عالحب و على بعضها تمسكي
و يلف يديه يدڨ السم لمش خالط عالويسكي
اصحاب الكيف في الليل هبطت لزناقي قضات
السبيطار تعبى و في جبانة قبور جديدة فضات
والاحزاب دخلت تصلي جامع من غير ما توضات
هانا عايشين كان لفرنسا و لكيفها علينا رضات
هاك قريت هاك تعبت قلي وين وصلت
هاك سنين تخدم قلي شنيا لحصلت
كل شي وفيتو كان مع لولدتك قصرت
نهار لحبيت تبني لقيت روحك تكسرت
لقيت روحك خسرت قبل ما بدا السباق
صحابك الكل معاك تستنا في نقطة الانطلاق
يشجعو فيك باش تجري و هوما يكسرولك الساق
ذنبك الوحيد لتعيش في بلاد النفاق
كي ناس تستحقك انتي تعاونهم بمعزة
اما نهار لتطيح كل تبدا عليك تتمزا
يتفرجو فيك كي العرب للتفرج في غزة
كان طحت من جبل عالي متسألشي على الدزة
حتى لتعطيها قلبك تحسبها كل شي
تقوللها انتي الدنيا شدني من يدي و متسيبنيش
تقلها انتي حاجة الوحيدة لمخليتني حي
انتي العبد الوحيد لي بلا بيه منقدرش نعيش
هو بيدو كي تسكت ميقراش لي في عينيك
يغني الفرحة لفيهم يعزفها بلحن حزين
يقتل فيك النبض يمشي و يخليك
خاطر لازم تملى جيب قبل ما تملى العين
لا طيارات لا كرتوش اخطر سلاح اللسان
اكبر وجيعة في دنيا ليسببها الانسان
هذكا علاش اقوى دواء للبدن هو النسيان
متحيرش كي تشوف المتّقين تضيع بين الكيسان
عالم مزيف فيه الرزين معندوش وزن
حتى لي مغلّف بالفرحة من داخل كلو حزن
الصديق هو العدو القريب يولي بعيد
السكين الحافي ليذبح و النار هي الجليد
الحب يولي كره و الكره يولي حب
العباد ولات تعطي دروس حتى اكثر من الكتب
البلاد صحرا قحلة حتى وقتلّي سماها تصب
العباد بعدت عالآخرة و ملك الموت قرب
الڨمم ولات التلافز و الزبل ولات اذاعة
صحافة ولات دعارة الخبر ولّى إشاعة
يتعشا فوق الكرسي و شعبو في مجاعة
تونس اول بلاد لي لمت علامات الساعة
البشر حيوان الزريبة ولّات برلمان
الاحزاب ولات كلاب و السياسة سبان
الاكتاف تعملك قيمة الرشوة لتحل البيبان
عنا الدستور الوحيد ليخلي المواطن يتهان
الظلم ولى القانون الافكار ولات سجون
التفاهة ولّات فنّ و الفنّ ولّى مجون
صدورات مقدّمة فاتت مقدمة ابن خلدون
كي الدّياثة ولّات الدين الكلهم ولاو عابدون
قال إنا عائدون لبلاد بدون قيم
سياسة ولت معبد و الرئيس ولّى صنم
ْالانتخابات ولات طقوس و الجهل ولى حِكَم
شعب عبيد ينتخب في اكثر واحد تظلم
كل يوم نزيد نضعف نحس في وقتي معدود
وليت كالسراب نتلاشى من هالوجود
تعبت من الوعود
لنلوج عليه مفقود
كل مرة نرجع لنفس الاشواك في تلك الورود
تعبت من الصّمود
و قلبي لفيا يقود
مخي جندي و الحرب ما تموت فيها كان الجنود
تعبت من القيود
من الصمت و الجمود
البيبليك يسمع بوذنيه اما مخو محدود
ناس كلاها ال Doute
عايشة فوق الارض
الستيلو يكتب بالطول و وذنيهم تسمع بالعرض
الغدرة ولت فرض
كي الطحين ولى دين
معادش يفيد فيهم الدواء تفشى فيهم المرض
تعبت من العباد لبكلمة تجرح القلب
و الحاجات الحلوة لتصير في البدايات
البداية حلوة و النهاية تقتل كيما الحرب
لي يرد قلبك يدق هو بيدو لخلاه مات
تعبت من كل شي تعبت حتى من النفس
مع كل تيتر يتقص
حتى مخي قريب يتمس
خاطر ماهيش افكار لتدور عندي في الراس
مخي معبي ذخيرة قريب يخرج رصاص
بارد كيف الڨلاس
و هايج كي البركان
المخ معبي كفر و القلب كلو ايمان
من الداخل حرب كبيرة ما بين الوفاء و الغدر
نص راضي بالعيشة نص مش راضي بالّي مقدّر
وليت نخاف لا الموت تهزني قبل ما نتوب
في بلاصة الحسانات نلم في جامات عاليوتوب
حياتك كلها ذنوب
و انت على امرك مغلوب
من برا انسان كامل و مالداخل كلك عيوب
انتي الماضي و الحاضر انتي الوجود و العدم
انتي الفساد و القيم
انتي الحلمة لتحت ردم
انتي لتجسد الوجيعة لقاعدة تجري في الدم
انتي ثقب اسود لي الكلمات لماتت فيه تتلم
و في قلبك تتدفن
في جنازة تحت المطر
و رعد لي من سماء يضرب في زوز قسم القبر
خارج منو دم اكحل يجري في بلاصة العبر
و قتها تفهم لي على نفسك انتي اكبر خطر
انت لقلبك يحس يرابي لقلوب حجر
كان جات سماء تصب حروف سماك تصب جمر
الناس تشوفك عايش و انت مع كل كلمة تحتضر
كيما الحوت لي في الماء و الناس تحبو يعيش في البر
انت لقلمك لتكتب بيه خلاك تتضر
انت كل عرق في بدنك يموت مع كل سطر
انت لمخك يخمم و قلبك لبيه غدر
انت الكتيبة متاعك مرة و لتعيشو أمر
انت لي يدك ترعش اكثر من شخصيات رواية
هوما يعيشو و انت الموت دايرة بيك من كل الزوايا
هوما وصلو و انتي لتو واقف في خط البداية
اصعب لحضة ولت كي تشوف روحك في المراية
خاطر وليت تشوف خيال شاحب بلا لون
يدو ترعش تكتب و القلم تحرك فيه جنون
تشوف الشئ و النقيض و الخيال لقدامك مريض
مسمي روحو بسيكو ام عايش في الحضيض
خيال من عينيه
دم اكحل يقطر
هزك لطريق بعيد مش الطريق لي كان مسطر
الدم لي في العين كي طاح تحول ولى سم
الحروف تتكتب عالورقة صعيب باش تتفهم
صعيب باش تتقرا و ناس تخرج منها المعنى
هذاكا علاش توجع كي ناس تقلك رابك متعنا
و هي ماهيش فاهمة لي مش الرّاب لي جمعنا
لمتنا حاجة غريبة كي دوامة لتبلعنا
و الرّاب ولّى كيما اللعنة
ضرنا اكثر ملي نفعنا
لحن و سم و حروف و عقارب في عقولنا تلسعنا
تسمع و عينك مقلوبة بيضا
وراك الموت قريبة
نهار شنهبط تيتر والبوبليك يتوفى من الكتيبة
بين سطر و سطر بين الكلمة و الكلمة
ضايع بين الماضي و الحاضر بين الواقع و الحلمة
بين شنيا لوليت و شنيا نحب نكون
بين ورقة و ستيلو و كلام يهزك للجنون
بين القصر لنحب نبنيه و هذا التابوت
مخي يحب يعيش والقلب يتمنى الموت
بين المستقبل لي جاي و العمر لي يفوت
من داخل صراع و صراخ و من برا سكوت
بين خير و شر وحدي في بيت ضلام
لنعيشو كل يتحط عالورقة يترجم في كلام
انتي وحيد لجاوبك نقطة استفهام
انتي لقلمك حُكم و الورقة متاعك اعدام