2015 عصر لا تكنوليجي
كل واحد عندو افكار عندو اديوليجي
المرض ولا كونتاجيو
السيستام ولا دونجي
عندو دي اتو قادره تاثر على لي بسيكولوجي
بشر ولا كيف كوباي في لابوراتوار
ينجكتيولو لا ميسي
يضربولو لا مموار
كي توفا الدوس كل مره يزيدو لا كونتيتي
وريسولتا يخرج ان ميسي ناسي لا كونتيتي
ويني الهومانيتي البشر ولا روبوتيك
كلها مكينه عندها دي بروبلام psychology
اوتوماتيك عملولو بروقرامسيون
فسخولو مخو صبولو سستام d'exploitation
حطولك فيخك
لقرايه متوصلش لازم تخرج ملمكتب
هوني متكملش
قالولك لازمك تريسكي باش تعيش في بلاد النفاق
تونس بلاد بطاله ما فيهاش افاق
حطولك في مخك
بلي انت عبيد تحل فمك تطلب حقك تترمى في كاج حديد
قالولك لازمك تخاف لا لكبارات يدفنوك
اجري علخبزه تبص راسك ما فماش حقوق
حطولك في مخك
باش تنجح لازم مخك خامج جيب الدعارة والفساد فلبرامج
متحكيش لحقيقه فتيلي منيبيلي لعباد
فلكواليس خوذ لباكو من عند كبارات لبلاد
حطولك في مخك
الي انت إله مش رئيس
انت فرعون الرب الاعلى في دولة البوليس
السياسه ولات دين لازم لعباد يعبدوك
الي يهز راسو يتبعث لسيمتيار في الصندوق
حطولك في مخك
بلي انت مش انسان العينين اشوفك هوني حتى ارخص ملحيوان
حطولك في مخك
باش تعدي حياتك في سوسول
قالولك عيش الذل بلادك مفيهاش بترول
حطولك في مخك
بلي الوضع هوني ديفيسيل
مش انسان انت روبو لازم تخدم نهار وليل
تخدم كلماشين من فوق حقك متاخذوش
تحل فمك تطرد كبس راسك وعيش بكوش
حطولك في مخك
الي الدنيا ماشبه وتتقدم
لازم تواكب لا مود سي نون تقعد تتندم
لي برانسيب لكهل خورافه الحريه هيا الاصل
لازم تسكر تتكيف تعري باش تواكب العصر
حطولك في مخك
للي شي ظعاد يهمك باش تولي راجل احقر بوك وعيط على أمك
تكيف لعبة أشرب فتكا وعيش عايق
قالولك لبلاد عل حيط هوني مالازمكش فايق
حطولك في مخك
إلي انتي غول موش بوليس
وقف بطاقة تعريف لعباد الي تلبس قميص
عطاوك اوامر تعليمات حطهوملك في الليست
قالولك الي يصلي عامل لحية راهو تيروريست
حطولك في مخك
لازم تتجرد ملانسانية مارس فنون التعذيب في دهاليز الداخلية
عامل الأنسان كلحيوان موش كلبشر
اعفس ،ذل وأضرب أبعث للقبر
حطولك في مخك
الي من حقك تظلم الناس وقف لكراهب خوذ الرشوة في الكياس
قالولك اقمع الشعب و القانون ديما معاك
في المظاهرات تضرب ولاد بلادك بالمتراك
حطولك في مخك
بلي لازم تنتقم تعيش في مجتمع كافر
والإسلام دين الدم
حطولك في مخك
بلي لبوليسيا لكل كفار حتى بوليسي يصلي و يصوم طول ماشي للنار
كفر العامة
وكفر العلماء
قالولك باش تنتصر لازم تستبيح الدماء
حطولك في مخك
بلي قتل الناس هو الجهاد
باش تنشر الدين و الإسلام لازم تحرق لبلاد
حطولك في مخك
انسى تدعو الناس بالكلام
بالقتل والذبح هكا يتنشر الإسلام
حطولك في مخك
شوه الدين و ولي تيروريست
قالولك تمشي للجنة كي تقتل لي توريست
حطولك في مخك
ولدك لي في الثورة مات
ماعندوشي قيمة و خدمو بيه في الإنتخبات
قالولك الي انتي عالة مكش جريح الثورة
كلاولك حقك خدمو بيك و خذاو فلوسك تحت الطاولة
حطولك في مخك
الي انتي قيمتك في البوبال ،طيحولك قدرك
يعيطولك زبال
باش تولي فرد في المجتمع هوني راهو صعيب
طيحولك المورال قالولك الخدمة متاعك عيب
انتي الي تفيق ال5 متع الصباح تخدم على صغارك
حقروك كي تمشي تسعى مالفجر تخرج من دارك
طيحولك قدرك يعيطولك لخديمة
حطولك في مخك الي انتي معندك حتى قيمة
حطولك في مخك
بلي الراب راهو سبان
قالولك بالي الراب لوك تابع لمريكان
قالولك الراب الي يوعي المواضيع متاهو باطلة
بيبليك بهيم باش تنجح غنيلو عالزطلة
حطولك في مخك
الي انتي تعبد الجمعية
معاها ماتفهم شي عود تنفس عنصرية
كره و بغض و تتسب الأمهات
باسم الجهويات سب ولاد بلادك في الغنايات
حطولك في مخك
بالي انتي في المجتمع عالة لا مستقبل لا خدمة باش تعدي حياتك لكل بطالة
ابار الحرقة هوني ماثماشي حل قالولك شعل روحك بالقاز امشي انتحر
صنعولنا بوليتيك عندها دي كومبلي حطونا دي شيفر
وكلاساونا فلامونتيس معادش عباد ولينا لكل نوامر
ولينا دي ماشين لكلنا نتبقوا في الأوامر
عملونا بويسك لا فيريس ضربولنا لكونسيونس
اسال روحك سؤال وحاول تلقى لا ريبونس
تفكيرك مبني عالحقيقة ولا عالأوهام
تفكيرك ملكك ولا زرعوا فيك السيستم
سياسة كي المتاهة كل متقدم فيها تضيع
حطولنا دي انديس نتبعوهم كي القطيع
هذاكا علاش ولات عنا لكريس د'ايدونتيتي
بدلونا لي روبار الي تحدد لا بيرسوناليتي(يتي)