عم تحكيني عن العبث و أنا عم بسمع بشغف
اعصابها و القهوة عالنار و صوت حدا بيقرأ عالدرج
شايلة الاغراض و عم تحكي و أنا عم بحكي دون أي غرض
قال بدها صوتها يبني أثر و هو عم يجول الغرف
ف بحكيلا عن الحرية و أنا و هي بذات القفص
و التفرد و الارتجال و بكل كلمة عم بقتبس
برتكي عالخيال بوقت العجز
بحكيلا عن حرية الانتقال بين دمشق و القدس
و بقلا الوقت كفيل يمشي فيكي الطرق
و مع هيك طريقها فاضي ما بيمشي فيه غير الوقت
ف تعالي نحكي و لو فراغ بس حتى نسد هاد الشرخ
و اتعطش لحديثك كل ما بتشبعي بالوصف
و كل ما بتضحكي بالغصب بحسك عم تخوني يأسك
بتفطريلي قلبي كل ما عم تصومي رقصك
و كل ما عم بتشوفي نقصك بتكمل هي الفجوة
ف بتقلي قوم و صحصح رح تبرد هي القهوة
Valentine
Halloween بهالمدينة
بتنفخي فيي الروح ف تطير أحلامي بوالين
ما حد وشالك
اني عود و هالك
و بصير قبال الهوا ميل
Valentine
Halloween بهالمدينة
بتنفخي فيي الروح ف تطير أحلامي بوالين
ما حد وشالك
اني عود و هالك
و بصير قبال الهوا ميل
عم تحكيني عن العبث و القهوة لسا صايرة
و بتقلي رح انطوي مطرحي زي كل ورقة من قصايدك
بتحكي ما بتحرك ساكن ماني كلمة انت صايغها
هدوء ساكن ، كأنه المدينة ضيف و لسا رايحة
ف بحكيلها عن هالهدوء و كيف بتحتويه بكل حب
كأنها عم تشرحلي الفرق بين الهوا و البرود
و كيف منموت بالسطر لنرد الروح
بتقلي رح تبقى المدينة فاضية قد ما كتبتولا بيوت
ف انت اكتبلي سكوت و الزمن هالورق بيمليه
و لا تتعطش لحديثي عيني بتشربك تسقيك
و افرشلي بحلمك ليلة و لو غمضت ما تفيق
ولا تغطيني بهالمدينة لو دقت الهوا لدفيت
ف بيكفيك تكتبلي متلا متل ما بتكتبلا دفاتر
ما بدي تحبني متلا ، عبلة و كلكن عناتر
و لما تلاقي ما فيي روح بتنأى عني بتهاجر
لا ما تحملني مو الك ، كاسة بكفوف نادل
Valentine
Halloween بهالمدينة
بتنفخي فيي الروح ف تطير أحلامي بوالين
ما حد وشالك
اني عود و هالك
و بصير قبال الهوا ميل