Sülvern blinkt de See un de Schipp treckt sien Weg
Sachten snackt de Wogen um Dalben un Steg
Seker liggt de Diek vör dat Dörp, vör de Winschen un Felder
Minschen in de Hüüs leevt in Freud un in Leed
Liesaam singt de Seewind un flüstert een Leed
Eekboom staht bi d Hus, hoch un fast
Holln de Wacht um mien Welt!
Achter Dünen un Diek
Liggt uns Land, liggt uns Riek
In de Sünn, unner Wulken un Heeven
Achter Dünen un Diek
Liggt uns Land, liggt uns Riek
Un dor lett sück dat all Tied good leven
Wenn de Mörgenrot stiggt
Un de Middagsünn schwiggt
Wenn de Hellern in Åvendwind bever'n
Achter Dünen un Diek
Liggt uns Land, liggt uns Riek
Un dor lett sück dat all Tied good leven
Ik stah gern to klön'n an de Nåber sien Dör
Sacht leggt sück de Schleier up Blöm'n un up Föör
Un Freeden sackt up de Karkhoff
Up de Husn un up de Straten
Ruhtreckt in't Hart
Vögels sitt'n in hör Nüst
Wenn dat schummerg ward
Un de Dag, de is west
Dröben vun den See över Diek stiggt all sinnig de Maan!
Achter Dünen un Diek
Liggt uns Land, liggt uns Riek
In de Sünn unner Wulken un Heeven
Achter Dünen un Diek
Liggt uns Land, liggt uns Riek
Un dor lett sück dat all Tied good leven
Achter Dünen un Diek
Liggt uns Land, liggt uns Riek
In de Sünn unner Wulken un Heeven
Achter Dünen un Diek
Liggt uns Land, liggt uns Riek
Un dor lett sück dat all Tied good leven