Mei Freindin wohnt im Hochhaus, Stockwerk dreißig,
Weil der Lift net funktioniert, lauf i heut fleißig.
Dreißig Stockwerk, ellas zu Fuß,
Des isch en weiter Weg zu meim erschta Kuß.
Also aufgohts, immer höher, immer weiter,
Oh, oh, oh, aufgohts, immer höher, immer weiter.
I steig die Trepp wie der Depp und hoff Du bisch no zu mir lieb,
Denn am Aufzug hängt en Zettel: "Außer Betrieb".
Uf Stockwerk zehn stoht en Hausmann mit seim Kend,
Er sagt i soll's mol halta, weil sein Essa obrennt.
Im nächsta Stock stoht a Frau in der Tür,
Lässt da Morgemantel falla, weil se moint i will zu ihr.
Also aufgohts...
Uf Stockwerk zwanzig stoht a Fabrik,
Do baschtelt ufm Gang en Motorradfreak.
Im nächsta Stock schnappt nach mir en riesa Bello,
Drum nehm i die nächschte Treppa no a bissle schnello.
Also aufgohts...
Endlich ben i oba und schtand an Deiner Tür,
Do hängt en Zettel: Schatzi, bin erscht morga wieder hier.
I bin fix und fertig und total fruschtriert,
Do schreit wer durch Treppahaus: der Lift ist repariert!
Also aufgohts...