Es gibt a kloans G'schäft da bei mir im Revier
Da Schmidtbauer Franz verkaft dort'n sei Bier
Des macht a, no a scho, seit g'schätzte 40 Johr
Länger wia da Franz, is fast koana mehr da
Es gibt a kloans G'schäft glei bei mir in da Strass
Da Franz der schleppt Dragerl und d'Muatter macht Kass
S'bleibt ned vui henga, blos Euro a paar
Blos des is eahm Wurscht, der Franzl bleibt da!
De Zeit verrinnt, schaugs o wia schnai's rinnt
Se rinnt da wias Wasser durch deine Händ!
So genga de Gang und macha koan Hoit
Und bevor's di umschaugst bist Daddrig und oid!
Es gibt a kloans G'schäft da bei mir im Revier
Des gheart am Franz und sei Gschäft is as Bier
Faltn hat er kriagt und schneeweiße Hoar
Aber der Franzl is oimei no da!
Es gibt a kloans G'schäft glei bei mir in da Au
D'Konkurrenz druck'n des merkt da Franz g'nau
Grad grosse Discounter san unmittelbar
Nimmt d'Kundschaft eahm weg, doch da Franzl bleibt da
De Zeit verrinnt, schaugs o wia schnai's rinnt
Se rinnt da wias Wasser durch deine Händ!
So genga de Gang und macha koan Hoit
Und bevor's di umschaugst bist Daddrig und oid!
Es gibt a kloans G'schäft glei bei mir im Revier
Da hockt der Franzl und dantelt sei Bier
Des macht a no a scho seit guade 40 Johr
Do danachst wia i drin war, da war koa Franzl mehr da
Es gibt a kloans G'schäft glei bei mir Vis-a-Vis
Doch seid kurzem geh i da, weg am Bier, nimma hi
Durt wo die Kass war, da hinten im Eck,
Da briat vor am Laptop: Ein Architekt!
De Zeit verrinnt, schaugs o wia schnai's rinnt
Se rinnt da wias Wasser durch deine Händ!
So genga de Gang und macha koan Hoit
Und bevor's di umschaugst bist Daddrig und oid!