Campos sicos a prughere falados
De abbas privos, duros, intostados
Senza ninniu, brivados d' incantu,
No intennides ne mellu ne cantu.
Nemos ischit de babbos sas istigas
Ne de nuraghes e de predas antigas.
De sa Sardigna sas secadas tramas
Fertas mustrades e apertas feridas,
De abbandonos e penas sichidas
Contan sa rocas vaddes e pianos.
Prantos dolosos e atitos arcanos
Narat su ventu ch'istat muilenne
A sas fozidas eliches pranghenne
C'ascurtan de so rios sos murmutos.
Pinnetas e pinnetos sun dirrutos
Chin sos ammentos insoros serrados.
Crocadorjas c'an vidu madricados,
Son garrigadas de gardu e cadone.
Nemos ischit de babbos sas istigas
Ne de nuraghes e de predas antigas.
De sa Sardigna sas secadas tramas
Fertas mustrades e apertas feridas,
De abbandonos e penas sichidas
Contan sa rocas vaddes e pianos.
Ancora volat s'anima afannada
De nois sardos in tempos annados,
De nottes chi non vie su manzanu.
De auroras chi non naschin mai.
De sa Sardigna sas secadas tramas
Fertas mustrades e apertas feridas,
De abbandonos e penas sichidas
Contan sa rocas vaddes e pianos.
De sa Sardigna sas secadas tramas
Fertas mustrades e apertas feridas,
De abbandonos e penas sichidas
Contan sa rocas vaddes e pianos.