من واني صغير الاول هالشي عندي فطرة
فـ جان عندي عادي لمن اخذ عشره
وحيد سچاچ گاعد بالرحلة الاخيرة
صگرت الصف كله چني ابن المديرة
مايگدر حافظ دروبه
بكيفي ابلش اللعب شاگ حلگه لأبو الطوبة
الأتذكرة كلهة مني چانت تعاني
بيدي الاشارة من نطب ع الشارع الثاني
حجي كلها چانت تسكت
لمن بفرعهم افتر
وبجيبي چانت عيدية
صارفها ع صچم اصفر
ملك الدعابل چنت مضبط أموري
طنب نگر فايز بيدي چان الصول فرفوري
اني مزاعلك
اتذكر هالحچايه
واحد دوم اغلبة گالو لايمشي وياية
ملعب الخرسة
فايز الساحة
أول متوسط بجيبي انلگفت جداحة
كتلوني اهلي لهسة الكتل وآثارة
تانيت يكملون گمت ورثت جگارة
معروف بالمدرسه باج
حرامي ونسة درس الاخير ع السياج
استاذي راد يعاقبني
اجاني مقدم اعتراضة
گتله انتَ هم حرامي
دتبوگ بدرس الرياضة
انجحت
فتت
ثانوية
فرحو
ربعي
السرسرية
زادت يوميني خمسمية
بايسكل
الهدية
جمبزتة حجي حطيت جرس حطيت سلة
اكمل دوامي اروح اوگف على الحلة
اشوف الحاتة كلشي بيه يبدي يخدر
مسوي سبايكي جلي ماكس خرافي اصفر
اهلي شدو حيل وياية
راح ترسب ولك غشيم
رجعت فولت الشهادة
الرحلة مفولة براشيم
نجحت
فتت
للكلية
اهنا
جافت
الوضعية
القسط مالي3و100(3,100,000)
حجي ارجع ابتدائية
احسن اني من هالضيم
ماراح احجي على السادس(ثالث ثانوي)
اكثر من فان كوخ حجي
والله اني صرت بائس
فترت السالفة عليه
لمن چنت بالكلية
رحت صارحت بنية
اني الي چنت من صدگ حاب
وعلى مودها اتعب
وهي چانت تاخذلنه سناب جلاب
كل ما اطلع اني انقط
وادفعلها الحساب
اني ادفع بالفلوس وهية تسوي داب
ديم
من وراها ملاني الدين
ستورمي گام يصيحلي ابو الشين الحزين
من وراها گمت اسكر كل خميس وكل ثنين
خلتني اصيح بالشارع مقطوط تعبانين
كافي ارد ارجع للروضة
هنانة الي يكبر ايطيح حظة
وضعيتي صارت سفيته
همومي صارن اطول مني
واذا ماجاي تصدگني
هاك الزم روح قيسَ بـ فيتة