ساعة ستة منطقتنا بعد صعب تنطب
هواي ارواح تطلع لمن جثة بعصف تنطخ
دولة وياهم تصطف هناك لسانك ينضب
لمن طاح ابو العباس بيبي گام گلبها يضعف
جان يوميه بدون سبب يكتلولهم شكم واحد
الجثث مشمورة عـ الگاع كلها تخاف تساعد
وبكل باب تلاگي ظرف حاطين طلقة بي
اطلع من هالبيت هنانه مالك حق تعيش
لاتشتري هالبيوت الطلع منها مظلوم
بيبي لحد اليوم تتاني تخلي باب البيت مفتوح
وكل ظنها حيرجعون يمكن يرجعون
يمكن الموت حلو احلى من هالعيشة يجوز
من الدنيا تبدي تظلّم تبدي تنّقل الاخبار
داده جانه فلان داده مو خطار
داده يگعدون يمنا لحد ماتطفى هالنار
داده شدتحجين لازم ننهزم منا
الفين وستة
ناس تتيتم
ناس تگلك وين العدل شو ماشفته
ناس تگلك وين اخوية شو تيهته
ناس تگلك ادفع كلشي لخاطر جثته
وناس تگلك ابن عمي اليوم هزمته
وناس تفوت
وناس تموت
وناس تشوفهم من بعيد بنص تابوت
وناس تحكمك لحد هسه بس تبوگ
شايف ضيم شايف ويل
شايف السدة ورة السدة بأول الليل
شايف مسلم جتف والبطة شالته
وبعمر العشر سنين شفت جثه مزرفها دريل
ودمها يسيل ومحد شالها للنواصب لاتلزمها
انت شيعي وذوله كتلوك فهذا ردنا
عـ الرصيف خليها تخيس ويگب عفنها
والي يفكر يقربلها ويساعد يتكوم يمها
شفت دم بكل مكان
هذا رافضي هذا ناصبي هذا بعثي هذا عميل للامريكان
وبنص كل هذا الاحتقان صار عجب ذاك الزمان
ناس غرگت تنخت علي والي طلعهم عثمان
بس بحر الدم ماجف الاموات تزيد
الي مالاحه انفجار اجاه تهديد
والي انخطف بذاك الوكت انساه
مانگدر نعيش لازم ننهزم منا
الفين وسته
ناس تتيتم
ناس تگلك وين العدل شو ماشفته
ناس تگلك وين اخوية شو تيهته
ناس تگلك ادفع كلشي لخاطر جثته
وناس تگلك ابن عمي اليوم هزمته
وناس تفوت
وناس تموت
وناس تشوفهم من بعيد بنص تابوت
وناس تحكمك لحد هسه بس تبوگ
نعيش بدنيا سودة بيها بس ضياع
نعيش بوطن بس بالأسم ماعدنا بي گاع
كافي ندگ بيبان
كافي نعيش ايجار
من كثر الدگ والدگ الحديد لان
الحديد لان