Disen tücc che il laagh de Comm
L'è fà cume 'n omm
Ma me sun sicür che l'è una dona
Te ghett da faagh el fiil
Se te vöret sultàagh sö
Perché suta la gona, ghè la brona
E per pudè seguì ogni so caprizi
Ho imparà a cürvà el legnn
E a indrizaal quand che l'è stoort
Perché quand me prepari un mutuscaaf
Gh'ha de v'es cume una spada
La dev'es cume na föja
Forsi sum na sü
Cun questa canutiera
Questu cör de acqua e de lamera
Cun questa schena larga
E questa crapa dura
Sempru spurch de oli e segatura
E per quattà i me baarc nel tempural
Ho duperà il lenzöl
Del lecc matrimunial
La vita gira finchè gira l'elica
Ma gira per nagott
Se te gh'è mea là un timon
Paola
Che te me ciamet del balcon
Insem a questi trii fiö
Che me faran diventà matt
Ma che imparen quel che fo
E che farò
Paola
Trii fiö, trii can
O forsi trii campion
L'ünica roba che sò me
È che farann el me mestee
Questu mestee
Ghirigori sura l'acqua la mia firma sura l'unda
Cun la barca che se impèna
Cun la barca che la dunda
E pö rüerà la breva a scancelà questa mia scia
Ma il segn de la mia storia
Me la porterà mai via
♪
I rüen sö de Comm
I rüen de Milann
G'han pressa e völen tücc la barca prunta
Ghe spiegherò a bestem
O parlando come Shakespeare
Che la barca la g'ha el cü e la g'ha una punta
E me interessa propi un bel nagott se rüen tücc
A dimm che l'è la plastica
El desten de un mutuscaaf
Ho fa una vita insemm ai tocch le legnn
E in quatru tocch de legnn
Partirò per l'oltra spunda
Paola
Che te me ciamet del balcon
Insem a questi trii fiö
Che me faran diventà matt
Ma che imparen quel che fo
E che farò
Paola
Trii fiö, trii cani (can)
O forsi trii campion
L'ünica roba che sò me
È che farann el me mestee
Questu mestee
Ghirigori sura l'acqua la mia firma sura l'unda
Cun la barca che se impèna
Quaai volta l'afuunda
E pö rüerà la breva a scancelà questa mia scia
Ma il segn de la mia storia
Me la purterà mai via