Ja da träffe sech zwöi Gägesätz wi us em Buech
Da der edu Buur im Tenu blau us feinschtem Tuech
U dert der schlacksig Bänker im chli z länge Beige
Wo sini Unsicherheit bi gost nid cha verberge
Me mues scho fasch Mitleid ha mit däm Zahlechopf
Wenim der Buur mit der gsunge Pranke ufre Rügge chlopft
Und härzhaft lacht
Da isch der Ungerschied so sichtbar vo wär was macht
Da der stouz Landwirt wo z Ässe beschaft
Di essenzielli Mösch-Ur-Läbeschraft
Wo fein schmöckt und äbe Energie ufladt
Und dise het haut nume mit Gäud z tüe
Und Gäud stinkt bringt nüt isches notwändigs Übu
Drissg Prozänt vom Gäud landet unbruucht im Chübu
Wüu d Lüt oft ihres Gäud schlicht vergässe
Us ablouft bevor sis no rächtzitig wächsle
Da isch Gäud im Überfluss und kei Sou intressierts
Wo das was härchunt s isch eifach dräckigs Papier
U so isch z Klischee dass wenn du scho ir Schueu der ghänslet bisch
Du mau das graue Müsli ar Bank-Büro-Stueu-Lähne bisch
Es isch ässe wo no gäutet
Und Gäud cha me nid ässe
De gib vo mir us Gäud
Aber gang das zersch ga wäsche
Äs verfüert mit Düft und isch so wohlig i mim Buuch
Ässe stinkt nume we me meh het aus me bruucht
Es isch ässe wo no gäutet
Und Gäud cha me nid ässe
De gib vo mir us Gäud
Aber gang das zersch ga wäsche
Äs verfüert mit Düft und isch so wohlig i mim Buuch
Ässe stinkt nume we me meh het aus me bruucht
Är redt vo Farm-Management u Land-Fragmentation
Vo Lifestock-Kurse und Field-Implementation
U der Bänker dänkt sech scho dass dä Buur chli gschwuue redt
Und fragt sech öb dä nur so tuet oder äch ächt en Ahnig het
U bi au däm Shine, de Läderboots, de PS uf em Acher
S isch ihm suspäkt wies dä schafft us Scheisse Nahrig z mache
Der Buur liiret ne vou mit sine neuste Produkt
Wo z Ässe gschickt diversifiziert wägem Klima-Druck
Der Bänker het nur wöue Münz gäg nes Rüebli wächsle
Aber isch däm usglieferet verdammt är mues ja öppis ässe
Är schwaflet vo Pro-Specie-Rara-Sorte so fein
Zäh Prozänt dient aus Kompost für d Broccoli-Chain
U we das guet louft u z Wätter wird wi vor Landi erwartet
Gits für jedes Pfung Rüebli none Viertu Pastinake
Der Buur zeigt ihm der Vertrag u z Rating sig haut leider
Iz gad nid so bi de Beschte är ghei ja scho fasch us de Chleider
U der Bänker schisst das a fingt das System so verwärflech
Dass die wo eh scho feiss si berchöme am meischte z Ässe
Aber was nützts sech ufzrege är hockt am chürzere Hebu
Gäud isch nur es Wärchzüüg - Ässe isch öppis edus
U di paar Freaks wo sech dergäge wehre i de Boucontainer
Chöi nüt usrichte mitem Ertrag vo ihrne Hobbybeetli
Es isch ässe wo no gäutet
Und Gäud cha me nid ässe
De gib vo mir us Gäud
Aber gang das zersch ga wäsche
Äs verfüert mit Düft und isch so wohlig i mim Buuch
Ässe stinkt nume we me meh het aus me bruucht
Es isch ässe wo no gäutet
Und Gäud cha me nid ässe
De gib vo mir us Gäud
Aber gang das zersch ga wäsche
Äs verfüert mit Düft und isch so wohlig i mim Buuch
Ässe stinkt nume we me meh het aus me bruucht