Ja, dass i der nie me ha gseit, dass' mer guet geit
Und du mir guet tuehsch und, ja, dass i eifach bi gange
Bi mir heisst das ciao, i vermiss di, lueg zue der
Und sorry euch, für d Erwartige, i hasse mi derfür
Und ja, i bi no chli z jung gsi, u ha ke Ahnig gha wi me sech trennt
U mi dernäbe benoh, und i ha viu z viu gseit
Woni nid hätt bruche z säge
Aber weni när dervor stah
Und genau das vor ha, Härz - rein - Vorsatz
De chöme di Zwiifu, di abgrundtiefe Abgründ
Packt mi di Chlaue, ah winis hasse
Wüu we d Schuld einisch lang e ke Sunne me gseht
Wird si grösser u stercher aus d Wärter
Und we Fähler sech einisch mau ygschlosse hei
Verchräbse si mit de Täter
Und ja i weiss, das i ou ke Usred meh
I ha d Chancen uf aus gha
I hätt di küsst, ehrlech, würklech, gloub mers
Has eifach nume fautsch gmacht
Und ja, i ha viu z lang nüt gseit
Nüt derglyche ta u ha glächlet
Sorry, das me da nid inegseht
Es chönnt öbbis zerbräche
Aber gloub ja nid, ja nid, dasi aus nid beröie
S nid probiere z spüele
I nächtelang chnöilen am Boden u no tiefer cha sinken
Aus mini vollgloffne Finke
Aber gloub ja nid, ja nid, es sig eifach so eifach
Ig u mini schwarze Schääfli
Verbringe Nächt duss im Vollmond
U hüüle zäme mit de Wölf in Voll-Moll-Dur
Lueg es tuet mer weh weni nume gseh was nid passiert
U verdammt, ja i gibes ja zueh, i ha di gliebt
U i wär so dervor gstange, dir das cho z säge
Ig uf der Stäge, du im Zimmer am läse
Aber vor dire Türe hets e Schlucht gha
Churz bevor i da bi gsi het si sech uftah
U vilech wäri gsprunge, aber wäri när ir Luft
De packe mi wider, de packe mi wider
Di Chlaue, di chalte
Finger mit Falte
Friere u biege u zieh mi u halte mi fern
Vo däm wo zersch so eifach erschynt
Aber mir geit das nid ine wie me cha, auso bini wider furt
Auso bini wider furt (furt furt furt furt furt furt furt furt furt)