Mezu berdina ta jokaldi bera
Ezberdin dateke segun eta ze hizkera.
Erantzuna alda daiteke, ordea,
Herriaren arabera.
Betiko legez mila begirale
Izan dira umilduak haiek jakin gabe.
Gero zapal ditzaten utzita behin
Betiko dira mirabe.
BARRUAN DARAMAGUN HAURRAREN BEGIETAN
ERNEGAZIOA GAILENDU DA
MALKOTAN URTZEN HASIA DEN SENTIMENDUA
AMORRURA ISURTZEAREKIN BAT.
TA GALDEIOZU ZAPALDUA IZAN DENARI
NOREN HANKA-AZPITAN DEN ITOA.
TA GALDEIOZU EA ZAPALTZAILEA INOIZ
AKABATU DUEN AHALDURAK.
Gaur horren eskura dugula dena
Bazka dugu eskura ematen digutena.
Bilatzeko ohitura galdu da eta
Ohitura bilatu behar da.
Askatasuna ari da pake eske
Ikara baretu nahian, baina, hala ere,
Ikararen eskaintza eten gabe
Igotzen da askatasunez.
BARRUAN DARAMAGUN HAURRAREN BEGIETAN
ERNEGAZIOA GAILENDU DA
MALKOTAN URTZEN HASIA DEN SENTIMENDUA
AMORRURA ISURTZEAREKIN BAT.
TA GALDEIOZU ZAPALDUA IZAN DENARI
NOREN HANKA-AZPITAN DEN ITOA.
TA GALDEIOZU EA ZAPALTZAILEA INOIZ
AKABATU DUEN AHALDURAK.
EDONOR ARBUIATZEN GOZATZEN DUEN HURA
EZ LITZATEKE INOIZ ZAPALTZAILE
AZPIKO ARTALDE ITSU MUTUAREN ARTEAN
BABESLE ZINTZO XUMERIK GABE.