Алтын Ордам- Отан анасың
Алашымның ұлы даласы
Ұрпағына еткен аманат
Қазағымның ұлы бабасы
Абылайлап сермеп қылышын
Қанын төккен қыз бен ұл үшін
Таңбасы бар тасқа жазылған
Ұмытылмас бабам ұлы ісің!
Ерттеп мінген асыл пырағын
Атойлаған салып ұранын
Ғасыр асып келді бүгінге
Қазақ деген қайсар қыраным!
♪
Бахадүр бабамыз- қыран
Тербетіп даламызды бар
Оян да оян деп қазақ
Саламыз саламыз ұран
Бабамнан анамнан қалған
Жеріңді қорғап өт жаудан
Тәуелсіз күніңнің құны
Қан мен жас жанардан жауған!
Ей қазақ салтыңды сақта
Қаратпа халқыңды жатқа
Қолыңды көтеріп көкке
Жалбарын жалбарын Хаққа
Ертеңің болсын деп жарқын
Таңдарың болсын деп алтын
Тәңірден тілейміз мәңгі
Қолдай бер алаштың халқын!
♪
Санаға берілмей құлдық
Салтыңды дәріпте жыр қып
Ертеңің болады жарқын
Халқыңнан кетпесе бірлік!
Тұғырлы тіліңді сақта
Ақиқат дініңді сатпа
Қара жер анаңды қорға
Абылай отырған таққа!