Thus' an sin a' falbh nad chabhaig
'S mise nam shuidhe gun bhonn na mo phòc,
Dè rinn mi ach coimhead nad shùilean
'S thuirt thu le briathran nach bu chiùin:
'Ortsa tha 'n aghaidh iarraidh bhuamsa,
Dh'èirich mi moch madainn is dh'fhalbh mi cho tràth,
Dh'obraich mi 's shaothraich mi son mi bhith mar tha mi,
'S ma-thà, chan fhaigh thu sgillinn ruadh.'
Cadal, dùsgadh,
Foighidinn is sìth,
Càirdeas, coibhneas,
Do làmh-sa dhomh sìnt', Ceartas,
èisteachd, cothrom anns an tìr,
A-mhàin na nithean tha mi 'm dhìth.
'S truagh nach d' bhruidhinn thu san dol seachad —
'S beag orm, 's lugh' orm bhith baigearach nam dhòigh;
Dh'innsinn an-dràst' dhut nan èisteadh tu le deòin
Mo sgeul-sa 's i fodh' an tuil nan deòir.
Nam dhùthaich bha mise uasal,
Urramach, Ach chualas am brèisim,
'S bha èislean gu buan;
Theich mi lem bheatha, 's chaidh m' fhàgail gun tuar,
'S nam thràill an tìr tha riumsa fuar.
Cadal, dùsgadh, foighidinn is sìth,
Càirdeas, coibhneas, do làmh-sa dhomh sìnt',
Ceartas, èisteachd,
Cothrom anns an tìr,
A-mhàin na nithean tha mi 'm dhìth.