Hva ska vi ha å knau i auten?
Spu æ, som det føst da æ kom hjem
Fandt æ telle å toel op te sajs
Som æ dau fø å æ dau ette igen.
Do ve nen å æ hjørn hvo Bækgade bøje a
Ja, lich genau - det æ dee æ komme fra
å do ska vie te æ var stolt a å bo
Hvo æ vej den een'e blind
å Ballebrovej nr. 2
I dau fæ vi fremme te nytårsauten
Såj hun me lys i æ øjn
å do ka tro æ ku hoel mæ vachen
åh, så læng te æ vidst det var forbojn.
Å de slau i æ boe me Feigling a de Klein
å ku syng hvert et oe a Summer of '69
And where did you come from Cotton-Eyed Joe
å hause do den auten å Ballebrovej nr. 2?
Harald & Alvine boej evefor
å tot det var så hychle å kig op te vos, it å
Men en dau så kom Alvine å såj
Vosses hæk var bleun hend for høj
Te hun for å se sku stræk å bøj sæ nau så møje
Så i en måne loj han æ hæk stå å gro
Te det it var mer å se å
Ballebrovej nr. 2.
Om ettemern æ klok fjeng eve 4
Ku æ drøm me væk å West Beverly High
Mens hun sau æ hele dau å æ sofa
For te auten, plusle å sku astaj.
Å æ kech som hun loj æ læbestift å bævl å,
Me både tøj å sko å få såtten sit håe.
Å hvo hun tau hen, om det måt æ tænk å tro
å så'n tænt æ så møje
å Ballebrovej nr.2
Å det var en dau i højstens ti
æ sol den bræend heneve Østemark
Å som æ buen kør det siist læs i æ laj
Start vi æ Toyota å kør a.
Å de tæend for Radio Mojn
Me it så møje som et oe
Naun hæ såj for de vausen ka oe bliu for stoue
Men Cher hun sang, te æ få'el te ro;
Do you believe in life after love
Moj Ballebrovej nr. 2
Do you believe in life after love
å Ballebrovej nr. 2?
Han hæ såj te æ bar sku kig forbi
Bank å den dør hvo æ hæ haj mit navn
Å det må væe et boj det æ let å gi
For jen som ingenting hæ forstaun.
Å æ ti den tikke virre, æ ben de hoele sæ gåen
å min barndomsgae æ det nau i mæ det åltins bliue stå'en
å nå bleu'et den siis't gang
æ vaust ue a mine sko
Hvo æ vej den een'e blind
å Ballebrovej nr.2
Hvo æ vej den een'e blind
å Ballebrovej nr.2