Biography

Dios Ke Te Crew nace en Ordes (A Coruña) no ano 2003, Despois de realizar multitude de actuacións, no 2006 sae á luz o primeiro LP do grupo, “Xénese”, considerado un dos traballos máis influintes da escena musical galega e pedra angular do hip hop feito en galego. No 2009, cunha sólida experiencia gañada en importantes festivais e nada máis regresar de realizar dúas actuacións inesquecibles en La Habana, publican “Chove”, formado por 2 temas inéditos e un vídeo do seu potente directo. En 2011, fichan por Boa Music e lanzan o seu esperado segundo longa duración “Humanose”, álbum que consigue unha acollida espectacular e unha importante expansión por todo o territorio español. No 2013, son seleccionados por Girando por Salas e Artistas en Ruta e lanzan o EP “Dez”, tras unha xira por todo o Estado e coincidindo co seu décimo aniversario como formación musical. En 2014, gañan o premio ao Mellor grupo de Hip Hop e Músicas Urbanas na primeira edición dos Premios Martín Códax da Música Galega. Logo de xirar varios anos publican o seu 3º Album "O Ciclo da Serpe" consolidando e facendo patente a evolución da banda, o cal tamén se fai evidente nos seus enérxicos directos. e firmando varios videoclips cunha marcada estética cinematográfica. Despois de decidir aproveitar a pandemia para crear novo material publican o EP "En que Ano estamos!?" o cal supón unha mostra da consolidación de DKTC no panorama musical e no que se inclúe o exitoso single "OG" en colaboración con Boyanka Kostova.